ഭർത്താവിനെ തല്ലിക്കൊന്ന കേസിൽ ജാമ്യത്തിലിറങ്ങി മുങ്ങി…ഒടുവിൽ…
ഭർത്താവിനെ തല്ലിക്കൊന്ന കേസിൽ ജാമ്യത്തിലിറങ്ങി മുങ്ങിയ ഭാര്യ പമ്പ പൊലീസിന്റെ പിടിയിൽ. റാന്നി പെരുനാട് സ്വദേശിനി ശാന്തയാണ് പിടിയിലായത്. ഭർത്താവ് രത്നാകരനെ കൊലപ്പെടുത്തിയ ശാന്ത കേസിൽ ജാമ്യത്തിലിറങ്ങിയ ശേഷം ഒളിവിൽ പോയിരുന്നു. കഴിഞ്ഞ വർഷം ഏപ്രിൽ 14-നായിരുന്നു കേസിനാസ്പദമായ സംഭവം നടന്നത്. രാത്രിയിൽ മദ്യപിച്ച് വഴക്കുണ്ടാക്കിയ രത്നാകരനെ വിറക് കഷ്ണം കൊണ്ട് ശാന്ത അടിച്ചു കൊല്ലുകയായിരുന്നു.
