പത്തനംതിട്ടയിൽ കുടുംബാംഗങ്ങളെ പൂട്ടിയിട്ടു.. വീട് അടിച്ചുതകർത്ത് ഗ്യാസ് സിലിണ്ടറും തുറന്നുവിട്ടു.. ഒടുവിൽ…
പത്തനംതിട്ട അടൂർ പള്ളിക്കലിൽ യുവാവിന്റെ പരാക്രമം.അച്ഛനെയും അമ്മയെയും അടക്കം 3 പേരെ വീട്ടിൽ പൂട്ടിയിട്ട ശേഷം യുവാവ് വീട് അടിച്ചു തകർത്തു. ഗ്യാസ് സിലിണ്ടർ തുറന്നുവിട്ടു. വർഗീസ് ഡാനിയേൽ എന്നയാളുടെ മകൻ ജോമിനാണ് അതിക്രമം കാണിച്ചത്. വർഗീസ് ഡാനിയേലിനെയും അദ്ദേഹത്തിന്റെ ഭാര്യയെയും സഹോദരിയെയും അകത്ത് പൂട്ടിയിട്ടതിന് ശേഷം പുറത്തിറങ്ങി വീടിന്റെ ജനൽചില്ലുകളും മറ്റും അടിച്ചുപൊട്ടിക്കുകയായിരുന്നു. വീട്ടുകാർ അറിയിച്ചതിനെ തുടർന്ന് ഫയർഫോഴ്സെത്തിയാണ് വീട്ടിലുണ്ടായിരുന്നവരെ രക്ഷപെടുത്തിയത്.മാനസിക ബുദ്ധിമുട്ടുള്ളയാണ് മകനെന്ന് പൊലീസ് വ്യക്തമാക്കുന്നു. മദ്യലഹരിയിലായിരുന്നു അതിക്രമം.
