കൊല്ലത്ത് ഗൃഹനാഥൻ അടിയേറ്റു രക്തം വാർന്ന നിലയിൽ റോഡരികിൽ….ഒടുവിൽ…

ചവറ: കൊല്ലം നീണ്ടകരയിൽ വീടിനു സമീപം അടിയേറ്റു രക്തം വാർന്ന നിലയിൽ കണ്ടെത്തിയ ഗൃഹനാഥൻ മരിച്ചു. നീണ്ടകര ചീലാന്തി ജംക്‌ഷൻ നെടുവേലിൽ ക്ഷേത്രത്തിനു സമീപം വിഷ്ണു നിവാസിൽ (ഉഷസ് ഭവനം) ഹരികൃഷ്ണനാണു (ഹരിനാരായണൻ -58) ആശുപത്രിയിലേക്കുള്ള യാത്ര മദ്ധ്യേ മരിച്ചത്. ഇദ്ദേഹത്തിന്റെ സഹോദരീ ഭർത്താവ് സുരേഷ് ബാബുവിനെ (50) ചവറ പൊലീസ് കസ്റ്റഡിയിലെടുത്തു ചോദ്യം ചെയ്യുകയാണ്.

രാവിലെ ഒൻപതരയോടെ റോഡരികിൽ വെയിലത്തു രക്തം വാർന്ന് ഉറുമ്പരിച്ച നിലയിൽ കണ്ട ഹരികൃഷ്ണനെ പൊലീസ് എത്തിയാണ് നീണ്ടകര ഗവ.ആശുപത്രിയിൽ എത്തിച്ചത്. അവിടുന്ന് വിദഗ്ധ ചികിത്സയ്ക്കായി ആലപ്പുഴ വണ്ടാനം മെഡിക്കൽ കോളജ് ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരണം സംഭവിച്ചു. ഇദ്ദേഹത്തിന്റെ ദേഹത്തു മർദനം ഏറ്റിട്ടുണ്ട്. ഇടതുകാൽ ഒടിഞ്ഞുതൂങ്ങിയ നിലയിലായിരുന്നു. കരുനാഗപ്പള്ളി എഎസ്പി അഞ്ജലി ഭാവന, എസ്ഐ എം.അനീഷ് കുമാർ എന്നിവരുടെ നേതൃത്വത്തിലാണ് അന്വേഷണം.