മാര്‍ച്ച് നാലിന് അവധി…..
ചെട്ടികുളങ്ങര ദേവിക്ഷേത്രത്തിലെ കുംഭഭരണി മഹോത്സവത്തോടനുബന്ധിച്ച് മാര്‍ച്ച് നാലിന് ചൊവ്വാഴ്ച്ച മാവേലിക്കര, കാര്‍ത്തികപ്പള്ളി താലൂക്കുകളിലെ സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും പ്രാദേശിക അവധി പ്രഖ്യാപിച്ച് ജില്ലാ കളക്ടര്‍ ഉത്തരവിട്ടു. പൊതുപരീക്ഷകള്‍ മുന്‍ നിശ്ചയപ്രകാരം നടക്കും.
അതേസമയം ചെട്ടികുളങ്ങര ദേവീക്ഷേത്രത്തിലെ കുംഭഭരണി കെട്ടുകാഴ്ച മാർച്ച്‌ നാലിന് നടക്കും. കുംഭഭരണിയുടെ ക്രമീകരണങ്ങൾ പൂർത്തിയായതായി ഭാരവാഹികൾ അറിയിച്ചു. രാവിലെ ഏഴുമുതൽ കുത്തിയോട്ടങ്ങൾ എത്തിത്തുടങ്ങും. കുത്തിയോട്ടങ്ങളെ നിയന്ത്രിക്കാനായി ക്ഷേത്രവളപ്പിൽ ഇരുനൂറോളം വളണ്ടിയർമാർ ഉണ്ടാകും. ക്ഷേത്രത്തിന്റെ നാലുവശങ്ങളിലൂടെ എത്തുന്ന കുത്തിയോട്ട ഘോഷയാത്രകളെ മുൻഗണനാക്രമത്തിൽ അകത്തേക്ക് പ്രവേശിപ്പിക്കും.
