‘വികസനത്തിന്റെ ചരിത്രം മറയ്ക്കുന്ന ഈ രീതി അമ്പലപ്പുഴയിൽ പുതിയ പ്രവണത’
ആലപ്പുഴ: മത്സ്യത്തൊഴിലാളി പുനർഗേഹം പദ്ധതിയുടെ ഭാഗമായി ആലപ്പുഴ തോട്ടപ്പള്ളി മണ്ണുംപുറത്ത് നിർമ്മിച്ച ഫ്ലാറ്റ് സമുച്ചയം സമുച്ചയത്തിന്റെ നിര്മാണോത്ഘാടനത്തിന്റെ ശിലാഫലകം നീക്കം ചെയ്തതായി ആക്ഷേപം. ഇത് ഗുരുതര വീഴ്ചയാണെന്ന് മുന് മന്ത്രി ജി സുധാകരൻ പ്രതികരിച്ചു. നിർമ്മാണം പൂർത്തീകരിച്ച ഫ്ലാറ്റ് സമുച്ചയങ്ങൾ മന്ത്രി സജി ചെറിയാനാണ് ഇന്നലെ ഉദ്ഘാടനം ചെയ്തത്. അന്ന് എം എൽ എ ആയിരുന്ന താൻ അഭ്യർത്ഥിച്ചതനുസരിച്ചാണ് ഫ്ലാറ്റ് അനുവദിച്ചത്. അന്നത്തെ ശിലാസ്ഥാപന ഫലകം മാറ്റിയാണ് ഇപ്പോൾ ഉദ്ഘാടന ഫലകം വച്ചതെന്നും ഫലകം കാണാനില്ലെന്ന് പറയുന്നത് ഗുരുതര വീഴ്ചയാണെന്നും ജി സുധാകരൻ ഫേസ് ബുക്ക് പോസ്റ്റിൽ പറയുന്നു. വികസനത്തിൻ്റെ ചരിത്രം മറയ്ക്കുന്ന രീതി അമ്പലപ്പുഴയിൽ അടുത്ത കാലത്ത് കാണുന്ന പ്രവണതയാണെന്നും ജി സുധാകരൻ വിമർശിച്ചു. ഫ്ലാറ്റ് സമുച്ചയത്തിന്റെ ചിത്രം ഉള്പ്പെടുത്തിയാണ് കുറിപ്പിട്ടത്
