നാലുദിവസത്തിനകം കാലവര്ഷം പൂര്ണ്ണമായും പിന്വാങ്ങും….ഇനി വരുന്നത്..
ഒക്ടോബര് 13 മുതല് 17 വരെ ശക്തമായ മഴയ്ക്കും സാധ്യതയുണ്ടെന്നും കാലാവസ്ഥ വകുപ്പിന്റെ മുന്നറിയിപ്പ്.അടുത്ത നാല് ദിവസത്തിനുള്ളില് രാജ്യത്ത് നിന്ന് കാലവര്ഷം പൂര്ണ്ണമായും പിൻവാങ്ങുമെന്നു കാലാവസ്ഥ വകുപ്പ്. അതേ ദിവസങ്ങളില് തന്നെ തെക്കേ ഇന്ത്യയില് തുലാവര്ഷം ആരംഭിക്കാനും സാധ്യതയെന്നും കേന്ദ്ര കാലാവസ്ഥ വകുപ്പിന്റെ മുന്നറിയിപ്പിൽ പറയുന്നു.
മധ്യ കിഴക്കന് അറബിക്കടലില് രൂപം കൊണ്ട ശക്തി കൂടിയ ന്യുനമര്ദ്ദം അടുത്ത 12 മണിക്കൂറിനുള്ളില് തീവ്ര ന്യുനമര്ദ്ദമായി ശക്തി പ്രാപിക്കാന് സാധ്യതയുണ്ട്. കേരളത്തില് അടുത്ത ഒരാഴ്ച വ്യാപകമായി ഇടത്തരം മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.ഒറ്റപ്പെട്ട സ്ഥലങ്ങളില് ഒക്ടോബര് 13 മുതല് 17 വരെ ശക്തമായ മഴയ്ക്കും സാധ്യതയുണ്ടെന്നും കാലാവസ്ഥ വകുപ്പിന്റെ മുന്നറിയിപ്പില് പറയുന്നു
