പാതിവില തട്ടിപ്പ് കേസ്..ആനന്ദകുമാറിന് അടിയന്തര ശസ്ത്രക്രിയ….
പാതിവില തട്ടിപ്പ് കേസിൽ അറസ്റ്റിലായ സായിഗ്രാം ട്രസ്റ്റ് ചെയർമാൻ ആനന്ദകുമാറിന് അടിയന്തര ശസ്ത്രക്രിയ. ബ്ലോക്ക് കണ്ടതിനെ തുടർന്ന് ആൻജിയോപ്ലാസ്റ്റി നടത്തി. തിരുവനന്തപുരത്തെ സ്വകാര്യ ആശുപത്രിയിൽ റിമാൻഡിലാണ് ആനന്ദകുമാർ ഇപ്പോള്. ആൻജിയോഗ്രാം നടത്തിയപ്പോൾ 95 ശതമാനം ബ്ലോക്ക് കണ്ടെത്തിയെന്ന് ഡോക്ടർ അറിയിച്ചു. മൂവാറ്റുപുഴ കേസിൽ രണ്ടാം പ്രതിയായ ആനന്ദ് കുമാറിനെ ക്രൈംബ്രാഞ്ച് അറസ്റ്റ് ചെയ്തിരുന്നു. കേസിൽ ജാമ്യം തേടി പ്രതി ഹൈക്കോടതിയെ സമീപിച്ചിട്ടുണ്ട്.
അതേസമയം, പാതിവില തട്ടിപ്പ് കേസില് ക്രൈംബ്രാഞ്ച് അറസ്റ്റ് ചെയ്ത സായിഗ്രാം ട്രസ്റ്റ് ചെയര്മാന് ആനന്ദകുമാര് ഹൈക്കോടതിയില് ജാമ്യാപേക്ഷ നല്കി. ജുഡീഷ്യല് കസ്റ്റഡിയില് ആശുപത്രിയില് കഴിയുന്നതിനിടെയാണ് ആനന്ദകുമാര് ജാമ്യഹർജി സമര്പ്പിച്ചത്.
