മ​ലി​ന ജലം ഒ​ഴു​കു​ന്ന കൈ​തോട്ടിൽ ശ്രീനാരായണ ഗുരുദേവന്‍റെ പ്രതിമ… പൊലീസിൽ പരാതി….

ഉള്ളൂരിൽ ശ്രീനാരായണ ഗുരുദേവന്റെ പ്രതിമ തോട്ടിലൂടെ ഒഴുകി നടക്കുന്ന നിലയിൽ കണ്ടെത്തിയ സംഭവത്തിൽ പൊ​ലീ​സി​ല്‍ പ​രാ​തി ന​ല്‍കി. തോട്ടിൽ പ്ര​തി​മ ക​ണ്ടെ​ത്തി​യ​തി​ല്‍ ദു​രൂ​ഹ​ത ഉ​ണ്ടെ​ന്ന് ആരോപിച്ച് പത്രാ​ധി​പ​ര്‍ കെ.​സു​കു​മാ​ര​ന്‍ സ്മാ​ര​ക യൂ​ണിയ​ന്‍ വൈ​സ് പ്ര​സി​ഡ​ന്റ് ചേ​ന്തി അ​നി​ലാണ് സം​ഭ​വ​ത്തി​ല്‍ മെ​ഡി​ക്ക​ല്‍ കോ​ള​ജ് പൊ​ലീ​സി​ല്‍ പ​രാ​തി ന​ല്‍കിയത്. സംഭവത്തെ തുടർന്ന് ​നാട്ടു​കാ​രും എ​സ്.​എ​ന്‍ഡി.​പി പ്ര​വ​ര്‍ത്ത​ക​രും പ്രതിഷേധത്തിലാണ്. തെറ്റ് ചെയ്തവരെ കണ്ടെത്തി ശിക്ഷിക്കണമെന്നാണ് നാട്ടുകാരുടെ ആവശ്യം

ചൊ​വ്വാ​ഴ്ച രാ​വി​ലെ നാ​ട്ടു​കാ​രാ​ണ് ഉ​ള​ളൂ​ര്‍ പാ​ല​ത്തി​ന​ടി​യി​ലു​ള​ള മ​ലി​ന ജ​ലം ഒ​ഴു​കു​ന്ന തോ​ട്ടി​ല്‍ പ്ര​തി​മ ഉ​പേ​ക്ഷി​ച്ച നി​ല​യി​ല്‍ ക​ണ്ടെ​ത്തി​യ​ത്. ഉ​ള്ളൂ​രി​ല്‍ നി​ന്നും മെ​ഡി​ക്ക​ല്‍ കോ​ള​ജി​ലേ​ക്ക്​ പോ​കു​ന്ന വ​ഴി​യി​ൽ സ്ഥാ​പി​ച്ചി​രു​ന്ന പ്ര​തി​മ​യായിരുന്നു ഇത്. അ​ഞ്ച് മാ​സ​ങ്ങ​ള്‍ക്ക് മു​മ്പാ​ണ് പ​ഴ​യ പ്ര​തി​മ മാ​റ്റി പ​ഞ്ച​ലോ​ഹം കൊ​ണ്ടു​ള​ള പ്ര​തി​മ സ്ഥാ​പി​ച്ച​ത്. അ​വി​ടെ നി​ന്നും മാ​റ്റി​യ പ​ഴ​യ പ്ര​തി​മയാ​ണ് ഇ​പ്പോ​ള്‍ തോ​ട്ടി​ല്‍ ക​ണ്ടെ​ത്തി​യ​ത്.

പ്ര​തി​മ ക​ണ്ടെ​ത്തി​യ ഉ​ട​ന്‍ ത​ന്നെ നാ​ട്ടു​കാ​ര്‍ വി​വ​രം മെ​ഡി​ക്ക​ല്‍ കോ​ള​ജ് പൊ​ലീ​സി​ല്‍ അ​റി​യി​ച്ചു. ഉ​ള​ളൂ​രി​ലു​ള​ള മാ​ലി​ന്യ​ങ്ങ​ളും മ​ലി​ന ജ​ല​വും ഒ​ഴു​കു​ന്ന ഒ​രു കൈ​തോ​ടാ​ണി​തെ​ന്ന് സ​മീ​പ​വാ​സി​ക​ള്‍ പ​റ​ഞ്ഞു. സംഭവത്തിൽ അന്വേഷണം ആവശ്യപ്പെട്ട് എസ്എൻഡിപി യൂണിയൻ രംഗത്തെത്തിയിരുന്നു. തുടർന്നാണ് പൊലീസിൽ പരാതി നൽകിയത്.