ലക്ഷ്യം തെറ്റിയെത്തിയ വെടിയുണ്ട നേരെ പതിച്ചത് വീട്ടിനുള്ളിൽ..പുറത്തുപോയ കുടുംബം തിരികെയെത്തിയപ്പോൾ കണ്ടത്…..
തിരുവനന്തപുരം മലയൻകീഴിൽ വീടിനുള്ളിൽ വെടിയുണ്ട പതിച്ചു. മലയിൻകീഴ് വിളവൂർക്കലാണ് സംഭവം. വീടിന്റെ ഷീറ്റ് തുളച്ചാണ് വെടിയുണ്ട അകത്ത് പതിച്ചത്.സംഭവസമയം വീട്ടുകാർ സ്ഥലത്തുണ്ടായിരുന്നില്ല.അതിനാൽ ആളപായം ഒന്നും രേഖപ്പെടുത്തിയിട്ടില്ല.സമീപത്തെ ഫയറിങ് പരിശീലന കേന്ദ്രത്തിൽനിന്ന് ലക്ഷ്യം തെറ്റി വെടിയുണ്ട എത്തിയതാകാമെന്നാണ് നിഗമനം. സമാന രീതിയിൽ സമീപത്തെ വീടുകളിൽ മുൻപും വെടിയുണ്ട പതിച്ചിട്ടുണ്ട്.ഇന്ന് ഫയറിങ് പരിശീലനം നടന്നിരുന്നു. സംഭവത്തിൽ മലയൻകീഴ് പോലീസ് അന്വേഷണം ആരംഭിച്ചു. പുറത്ത് പോയി മടങ്ങി വന്ന കുടുംബം തിരിച്ചെത്തിയപ്പോഴാണ് ഹാളിലെ സോഫയിൽ വെടിയുണ്ട കണ്ടത്.