മാവേലിക്കരയിൽ… വീട്ടുകാർ ആശുപത്രിയിൽ പോയി… അലമാരയില്‍ നിന്ന് പതിനേഴര പവന്റെ സ്വര്‍ണാഭരണം മോഷണം പോയി…
മാവേലിക്കര- വീട്ടുകാർ ആശുപത്രിയിൽ പോയ സമയത്ത് വീട്ടിലെ അലമാരയില്‍ നിന്ന് പതിനേഴര പവന്റെ സ്വര്‍ണാഭരണം മോഷണം പോയി. മാവേലിക്കര കൊറ്റാര്‍കാവ് പുതുപ്പറമ്പില്‍ എബിയുടെ വീട്ടിലാണ് മോഷ്ണം നടന്നത്. എബിയും സഹോദരിയും പുലര്‍ച്ചെ ആശുപത്രിയില്‍ പോയിരുന്നു. രോഗബാധിതയായ അമ്മയും മറ്റൊരു സഹോദരിയും ഈ സമയം വീട്ടില്‍ ഉണ്ടായിരുന്നത്. ഇവരെ അറിയിക്കാതെ വീടിന്റെ മുന്‍വശത്തെ കതക് അടച്ച ശേഷമായാണ് എബി ആശുപത്രിയിലേക്ക് പോയത്. ആശുപത്രിയില്‍ നിന്നെത്തിയപ്പോള്‍ കിടപ്പുമുറിയിലെ തടി അലമാരയുടെ വാതില്‍ തുറന്നുകിടക്കുകയായിരുന്നു. അലമാരയുടെ വാതില്‍ കുത്തിയിളക്കിയാണ് സ്വര്‍ണം കവർന്നിരിക്കുന്നത്.എബിയുടെയും സഹോദരിയുടെയും ഒരു പവന്‍ വീതം തൂക്കംവരുന്ന ലോക്കറ്റ് ഉള്‍പ്പെടെയുള്ള 5 പവന്റെ 2 മാല, ഒരു പവന്റെ മറ്റൊരു മാല, ഒരു പവന്‍ വീതമുള്ള 2 സ്വര്‍ണ വളകള്‍, 2 പവന്റെ പാദസരം, ഒരു ഗ്രാമിന്റെ കുരിശ് ലോക്കറ്റുള്ള ഒന്നര പവന്റെ മാല, ഒരു പവന്റെ കൈച്ചെയിന്‍, രണ്ടര ഗ്രാമിന്റെ 2 മോതിരം, ഡയമണ്ട്‌ കമ്മല്‍ എന്നിവയാണ് മോഷ്ടിച്ചിരിക്കുന്നത്. മാവേലിക്കര പൊലീസ് സ്ഥലത്തെത്തി പരിശോധന നടത്തി.
