വിലയിടിവിൽ പ്രതീക്ഷയോടെ ഉപഭോക്താക്കൾ…ഒരു പവൻ വാങ്ങാൻ ഇന്ന് എത്ര നൽകണം?..
സംസ്ഥാനത്ത് തുടർച്ചയായ രണ്ട് ദിവസത്തെ ഇടിവിനുശേഷം ഇന്ന് സ്വർണവില മാറ്റമില്ലാതെ തുടരുന്നു. 2000 രൂപയുടെ കുത്തനെയുള്ള ഇടിവാണ് കഴിഞ്ഞ രണ്ട് ദിവസംകൊണ്ടുണ്ടായത്. സമീപകാലത്തെ ഏറ്റവും വലിയ ഇടിവായിരുന്നു ഇത്. കേരളത്തിൽ ഇന്ന് ഒരു പവൻ സ്വർണത്തിൻ്റെ വിപണി വില 66480 രൂപയാണ്. ആഗോള മാന്ദ്യ ആശങ്കകൾ വന്നതോടുകൂടി നഷ്ടം നികത്താൻ നിക്ഷേപകർ സ്വർണം വിറ്റഴിച്ചു. ഇതാണ് നിലവിൽ സ്വർണവില കുത്തനെ കുറയാനുള്ള കാരണം.
ഒരു ഗ്രാം 22 കാരറ്റ് സ്വർണത്തിന്റെ വിപണി വില 8310 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വിപണി വില 6810 രൂപയാണ്. വെള്ളിയുടെ വിലയും കുത്തനെ കുറഞ്ഞിട്ടുണ്ട്. ഒരു ഗ്രാം സാധാരണ വെള്ളിയുടെ വില 102 രൂപയാണ്.
