സ്വർണവിലയിൽ വർധനവ്… ഒരുപവൻ സ്വർണത്തിന്റെ വില 57,040 രൂപയായി..
കേരളത്തിൽ സ്വർണവിലയിൽ നേരിയ വർധനവ്. ഇന്ന് ഒരു പവൻ സ്വർണത്തിന് 120 രൂപയുടെ വർധനവാണ് രേഖപ്പെടുത്തിയത്. ഗ്രാമിന് 15 രൂപ വർധിച്ചു. ഒരു പവൻ സ്വർണത്തിന് 57,040 രൂപയും ഗ്രാമിന് 7130 രൂപയിലുമാണ് ഇന്ന് വ്യാപാരം നടക്കുന്നത്. തുടർച്ചയായ മൂന്ന് ദിവസം മാറ്റമില്ലാതെ തുടർന്ന ശേഷമാണ് ഇന്ന് വില വർധിച്ചിരിക്കുന്നത്.
ആഗോള വിപണിയിൽ സ്പോട് ഗോൾഡ് വില ട്രോയ് ഔൺസിന് 2,638.26 ഡോളർ നിലവാരത്തിലാണ്. രാജ്യത്തെ കമ്മോഡിറ്റി വിപണിയായ എംസിഎക്സിൽ 10 ഗ്രാം 24 കാരറ്റ് സ്വർണത്തിന്റെ വില 76,773 രൂപയുമാണ്. യുഎസിലെ പണപ്പെരുപ്പ നിരക്കുകൾക്കായി കാത്തിരിക്കുകയണ് നിക്ഷേപകർ. അടുത്തയാഴ്ച പുറത്തുവരാനിരിക്കുന്ന യുഎസ് ഫെഡിന്റെ നയ പ്രഖ്യാനവും സ്വർണ വിലയിൽ പ്രതിഫലിക്കും.
