സകല റെക്കോർഡുകളും ഭേദിച്ച് സ്വർണവില കുതിക്കുന്നു.. ഇന്ന് കൂടിയത് 2,400 രൂപ..
സകല റെക്കോർഡുകളും ഭേദിച്ച് സ്വർണവില കുതിക്കുന്നു. ഇന്ന് ഒരു പവൻ സ്വർണത്തിന് 2,400 രൂപയാണ് വർദ്ധിച്ചത്. ഇതോടെ ഒരുപവൻ സ്വർണത്തിന്റെ വില 94,360 രൂപയായി. ഒരു ഗ്രാം സ്വർണത്തിന് 300 രൂപയാണ് ഇന്ന് കൂടിയത്. 11,795 രൂപയാണ് ഒരുഗ്രാം സ്വർണത്തിന്റെ വില. ഇന്ന് ഒരുപവൻ സ്വർണാഭരണം വാങ്ങണമെങ്കിൽ ജിഎസ്ടിയും പണിക്കൂലിയും ഉൾപ്പെടെ ഒരുലക്ഷം രൂപയിലേറെ നൽകണം. ഗാസയിലെ യുദ്ധം അവസാനിക്കുന്നതോടെ സ്വർണത്തിന്റെ കുതിപ്പ് ശമിക്കും എന്നായിരുന്നു ഏവരും കരുതിയിരുന്നത് എങ്കിലും സ്വർണവില കുതിപ്പ് തുടരുകയാണ്.
കഴിഞ്ഞ ഒന്നര മാസത്തിനിടെ പവന്റെ വിലയിൽ 16,720 രൂപയുടെ വർദ്ധനവാണുണ്ടായത്. ദിനംപ്രതിയെന്നോണം റെക്കോഡ് ഭേദിച്ചാണ് സ്വർണത്തിന്റെ കുതിപ്പ്. ഈ മുന്നേറ്റം തുടർന്നാൽ പവന് ഒരു ലക്ഷം രൂപ മറികടക്കാൻ ഇനി അധികദിനങ്ങൾ വേണ്ടിവരില്ലെന്നാണ് സാമ്പത്തിക വിദഗ്ധർ ചൂണ്ടിക്കാട്ടുന്നത്.
