രാത്രിയിൽ സിലിണ്ടർ കാലിയായി.. പുതിയത് കണക്ട് ചെയ്ത് നിമിഷങ്ങൾ.. പിന്നാലെ സംഭവിച്ചത്….
പാചക വാതക സിലിണ്ടറിന് തീപിടിച്ച് അപകടം.അഗ്നിരക്ഷാസേനയുടെ സമയോചിത ഇടപെടലിനെ തുടര്‍ന്ന് വലിയ അപകടം ഒഴിവായി.മുക്കം കാരശ്ശേരി തേക്കുംകുറ്റിയിലെ തോണ്ടിക്കരപ്പറമ്പ് പ്രകാശന്റെ വീട്ടിലാണ് പാചക വാതക സിലിണ്ടര്‍ ചോര്‍ന്ന് അപകടമുണ്ടായത്.രാത്രിയോടെ ഗ്യാസ് തീര്‍ന്നതിനെ തുടര്‍ന്ന് പുതിയ സിലിണ്ടറില്‍ റെഗുലേറ്റര്‍ കണക്ട് ചെയ്ത് പ്രവര്‍ത്തിപ്പിക്കുന്നതിനിടയിലാണ് തീ പടര്‍ന്നത്.
മുക്കം അസിസ്റ്റന്റ് സ്റ്റേഷന്‍ ഓഫീസര്‍ പയസ് അഗസ്റ്റിന്റെ നേതൃത്വത്തില്‍ ഉടന്‍ തന്നെ രണ്ടു യൂണിറ്റ് അഗ്നിരക്ഷാസേന സ്ഥലത്തെത്തി രക്ഷാ പ്രവര്‍ത്തനം നടത്തുകയായിരുന്നു. അടുക്കളയിലുണ്ടായിരുന്ന ഇലക്ട്രിക് ഉപകരണങ്ങളും വയറിങ് സാമഗ്രികളും മറ്റുവസ്തുക്കളും കത്തിനശിച്ചു.
