ആലപ്പുഴയിൽ രണ്ടിടങ്ങളിലായി കഞ്ചാവ് പിടികൂടി…കാപ്പ പ്രതികൾ അറസ്റ്റിൽ..
ആലപ്പുഴ: ആലപ്പുഴയിൽ രണ്ടിടങ്ങളിലായി മൂന്ന് കിലോയിലധികം കഞ്ചാവുമായി മൂന്ന് പേരെ അറസ്റ്റ് ചെയ്തെന്ന് എക്സൈസ് അറിയിച്ചു. കുത്തിയതോട് ബസ് കാത്തിരിപ്പ് കേന്ദ്രത്തിൽ 1.235 കിലോഗ്രാം കഞ്ചാവുമായി നിന്ന എറണാകുളം സ്വദേശികളായ രണ്ട് പേരെ പിടികൂടി. മഹേഷ് (35 വയസ്), അഫ്സൽ അബ്ദു (28 വയസ്) എന്നിവരാണ് പിടിയിലായത്.
കുത്തിയതോട് എക്സൈസ് ഇൻസ്പെക്ടർ പി സി ഗിരീഷിന്‍റെ നേതൃത്വത്തിലാണ് ഇരുവരെയും പിടികൂടിയത്. എറണാകുളം ജില്ലാ പൊലീസ് കാപ്പ ചുമത്തിയ പ്രതികളാണ് ഇവർ. പ്രതികളെ പിടികൂടിയ എക്സൈസ് സംഘത്തിൽ അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) സബിനേഷ്‌ ജിത്ത്, സിവിൽ ഓഫീസർമാരായ വി കെ വിപിൻ, യു ഉമേഷ്, എം ഡി വിഷ്ണുദാസ്, വിധു പി എം, വിപിനചന്ദ്രൻ എന്നിവരുമുണ്ടായിരുന്നു.
