ആണ്‍സുഹൃത്തിനെ മര്‍ദ്ദിച്ചവശനാക്കി.. 19കാരിയെ തട്ടികൊണ്ടുപോയി കൂട്ടബലാത്സംഗം ചെയ്തു.. ഒടുവിൽ നഗ്നയാക്കി ഉപേക്ഷിച്ചു…
എംബിഎ വിദ്യാര്‍ത്ഥിനിയായ 19-കാരിയെ തട്ടികൊണ്ടുപോയി കൂട്ടബലാത്സംഗത്തിന് ഇരയാക്കി. ബൈക്കിലെത്തിയ അക്രമികള്‍ ആണ്‍ സുഹൃത്തിനെ മര്‍ദ്ദിച്ച ശേഷം പെണ്‍കുട്ടിയെ തട്ടിക്കൊണ്ടുപോയി ബലാത്സംഘം ചെയ്യുകയായിരുന്നു. കോയമ്പത്തൂര്‍ വിമാനത്താവളത്തിന് സമീപം വൃന്ദാവന്‍ നഗറില്‍ ആണ്‍സുഹൃത്തുമായി കാറില്‍ സഞ്ചരിക്കുമ്പോഴാണ് സംഭവം.
പരിക്കേറ്റ ആണ്‍സുഹൃത്ത് അക്രമ വിവരം പൊലീസിനെ അറിയിക്കുകയും തുടര്‍ന്ന് നടത്തിയ തിരച്ചിലിലുമാണ് പെണ്‍കുട്ടിയെ കണ്ടെത്തിയത്. കോയമ്പത്തൂര്‍ വിമാനത്താവളത്തില്‍ നിന്ന് ഒരു കിലോമീറ്റര്‍ മാറിയുള്ള സ്വകാര്യ കോളേജിന് സമീപമായിട്ടാണ് പെണ്‍കുട്ടിയെ നഗ്നയായി ഉപേക്ഷിച്ച നിലയിൽ കണ്ടെത്തിയത്.
കോവില്‍പാളയത്തിന് സമീപത്ത് നിന്ന് ഇരുചക്ര വാഹനം മോഷ്ടിച്ച പ്രതികളാണ് പെണ്‍കുട്ടിയെയും സുഹൃത്തിനെയും ആക്രമിച്ചതെന്ന് കണ്ടെത്തി. സംഭവത്തില്‍ അന്വേഷണത്തിനായി ഏഴ് അംഗ പൊലീസ് സംഘത്തെ നിയോഗിച്ചു. പരിക്കേറ്റ ആണ്‍സുഹൃത്തിനെ കോയമ്പത്തൂര്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
