ന്യൂ ഇയര്‍ പ്രമാണിച്ച് പരിശോധന.. യുവതിയും സംഘവും പിടിയിൽ…
കോഴിക്കോട്, പാലക്കാട് സ്വദേശികളായ നാലുപേർ പിടിയിലായി. ക്രിസ്മസ് ന്യൂ ഇയർ സ്പെഷൽ ഡ്രൈവിനോടനുബന്ധിച്ച് മാനന്തവാടി എക്സൈസ് റെയ്ഞ്ച് പാർട്ടി ബാവലി എക്സൈസ് ചെക്പോസ്റ്റിൽ നടത്തിയ പരിശോധനയിലാണ് സംഘം പിടിയിലായത്. കോഴിക്കോട് കോര്‍പ്പറേഷനില്‍ കസബ വില്ലേജ് നാലുകുടി പറമ്പില്‍ വീട്ടില്‍ റിസ്‌വാന്‍(28), താമരശ്ശേരി ഉണ്ണികുളം പുനൂര്‍ കേളോത്ത്‌പൊയില്‍ ഷിഹാബ്(29), പാലക്കാട് ഷൊര്‍ണൂര്‍ കള്ളിയംകുന്നത്ത് വീട്ടില്‍ മുഹമ്മദ് റാഷിദ്(27), കോഴിക്കോട് കക്കോടി കമലകുന്നുമ്മല്‍ റമീഷാ ബര്‍സ(20) എന്നിവരാണ് അറസ്റ്റിലായത്.
വാഹന പരിശോധനക്കിടെ ഇവര്‍ സഞ്ചരിക്കുന്ന കാറില്‍ നിന്ന് 60.77 ഗ്രാം മെത്താഫിറ്റമിന്‍ കണ്ടെടുക്കുകയായിരുന്നു. മാനന്തവാടി എക്സൈസ് റേഞ്ച് ഇന്‍സ്‌പെക്ടര്‍ കെ ശശിയുടെ നേതൃത്വത്തിലായിരുന്നു പരിശോധന.
