മുൻ ഉപരാഷ്ട്രപതി ജഗദീപ് ധൻകറിനെ ആശുപത്രിയിൽ പ്രവേശിപ്പിച്ചു

മുൻ ഉപരാഷ്ട്രപതി ജഗദീപ് ധൻകറിനെ ദില്ലി എയിംസ് ആശുപത്രിയിൽ പ്രവേശിപ്പിച്ചു. കഴിഞ്ഞ‌യാഴ്ച രണ്ട് തവണ ബോധക്ഷയമുണ്ടായതിനെ തുടർന്ന് ഇന്ന് പരിശോധനക്കെത്തിയപ്പോൾ അഡ്മിറ്റാകാൻ നിർദേശിക്കുകയായിരുന്നു. എംആർഐ സ്കാനടക്കം പരിശോധനകൾ നടത്തിയെന്നും കൂടുതൽ പരിശോധനകൾ വേണ്ടിവരുമെന്നും ആശുപത്രി അധികൃതർ അറിയിച്ചു. ഉപരാഷ്ട്രപതിയായ വേളയിൽ കേരളത്തിലടക്കം നടത്തിയ സന്ദർശനത്തിനിടെ അദ്ദേഹത്തിന് ബോധക്ഷയം വന്നിരുന്നു. 74 വയസുകാരനായ ധൻകറെ ഉപരാഷ്ട്രപതി സ്ഥാനത്ത് നിന്ന് മാറ്റിയതിന് ശേഷം പൊതുമണ്ഡലത്തിൽ സജീവമല്ല.