നല്ല കൊളസ്ട്രോൾ കൂട്ടാൻ സഹായിക്കുന്ന ഭക്ഷണങ്ങൾ…

നല്ല കൊളസ്ട്രോളായ എച്ച്ഡിഎൽ രക്തത്തിൽ കൂടിയിരിക്കുന്നതാണ് ഹൃദയാരോഗ്യത്തിന് നല്ലത്.പുരുഷന്മാരിൽ 50 ഉം സ്ത്രീകളിൽ 50 ൽ കൂടുതലും ആണ് എച്ച്ഡിഎൽ വേണ്ടത്. നല്ല കൊളസ്ട്രോൾ കൂട്ടുന്നതിന് ഭക്ഷണത്തിന് പ്രധാന പങ്കാണുള്ളത്. നല്ല കൊളസ്ട്രോൾ കൂട്ടാൻ സഹായിക്കുന്ന ഭക്ഷണങ്ങളെ കുറിച്ചാണ് ഇനി പറയുന്നത്…

ഓട്സ്

ഓട്‌സിൽ ലയിക്കുന്ന നാരുകൾ, പ്രത്യേകിച്ച് ബീറ്റാ-ഗ്ലൂക്കൻ എന്നിവ ധാരാളമായി അടങ്ങിയിട്ടുണ്ട്. ഇത് അമിത കൊളസ്ട്രോൾ കുറയ്ക്കാൻ സഹായിക്കുന്നു. ഓട്‌സ് ഉൾപ്പെടുത്തുന്നത് എൽഡിഎൽ കൊളസ്‌ട്രോൾ കുറയ്ക്കുകയും ഹൃദയാരോഗ്യം മെച്ചപ്പെടുത്തുകയും ചെയ്യും.

നട്സ്

നട്സുകളിൽ അപൂരിത കൊഴുപ്പുകളും ഒമേഗ-3 ഫാറ്റി ആസിഡുകളും കൂടുതലാണ്. ഇത് ചീത്ത കൊളസ്‌ട്രോൾ കുറയ്ക്കുകയും നല്ല കൊളസ്‌ട്രോൾ (HDL) വർദ്ധിപ്പിക്കുകയും ചെയ്യും.

സാൽമൺ

ഒമേഗ-3 ഫാറ്റി ആസിഡുകളാൽ സമ്പുഷ്ടമായ സാൽമൺ മത്സ്യം ട്രൈഗ്ലിസറൈഡുകളും എൽഡിഎൽ കൊളസ്ട്രോളും കുറയ്ക്കാൻ സഹായിക്കുകയും എച്ച്ഡിഎൽ കൊളസ്ട്രോൾ ചെയ്യുന്നു.

വെളുത്തുള്ളി

വെളുത്തുള്ളിയിൽ എൽഡിഎൽ കൊളസ്ട്രോളും രക്തസമ്മർദ്ദവും കുറയ്ക്കുന്ന അലിസിൻ എന്ന സംയുക്തം അടങ്ങിയിട്ടുണ്ട്. വെളുത്തുള്ളി നല്ല കൊളസ്ട്രോൾ കൂട്ടുമെന്ന് പഠനങ്ങൾ പറയുന്നു.

ഇലക്കറികൾ

കൊളസ്ട്രോൾ കുറയ്ക്കാൻ സഹായിക്കുന്ന ല്യൂട്ടിനും മറ്റ് ആന്റിഓക്‌സിഡന്റുകളും ഇലക്കറികളിൽ ധാരാളമായി അടങ്ങിയിട്ടുണ്ട്. ഇവയിലെ നാരുകൾ എൽഡിഎൽ കൊളസ്ട്രോൾ ആഗിരണം കുറയ്ക്കുന്നതിനും സഹായിക്കുന്നു.

ഒലിവ് ഓയിൽ

ഒലിവ് ഓയിലിൽ മോണോസാച്ചുറേറ്റഡ് കൊഴുപ്പുകളും പോളിഫെനോളുകളും കൂടുതലാണ്. ഇത് മോശം കൊളസ്ട്രോൾ കുറയ്ക്കുകയും ഹൃദയാരോഗ്യത്തെ പിന്തുണയ്ക്കുകയും ചെയ്യുന്നു.