ആർഎസ്എസ് നിശ്ചയിക്കുന്നത് പോലെ സിനിമ നിർമ്മിക്കാൻ കഴിയില്ല…ഇ പി ജയരാജൻ…
എമ്പുരാനെതിരായ സംഘപരിവാർ സൈബർ ആക്രമണത്തിൽ പ്രതികരിച്ച് സിപിഐഎം നേതാവ് ഇ പി ജയരാജൻ. സിനിമ കലാരൂപമായി കാണണമെന്നും ആർഎസ്എസ് നിശ്ചയിക്കുന്നത് പോലെ സിനിമ നിർമ്മിക്കാൻ കഴിയില്ലെന്നും ഇപി ജയരാജൻ പ്രതികരിച്ചു. ആർഎസ്എസ് പറയുന്നത് മാത്രമാണോ സിനിമയാക്കാൻ കഴിയുകയെന്നും ഇ പി ജയരാജൻ ചോദിച്ചു.
സിനിമയുടെ പേരിൽ എന്തിനാണ് ഈ ബഹളമെന്നും സിപിഐഎമ്മിനെ പറ്റിയും സിനിമയിൽ വിമർശനമുണ്ടെന്നും ഇ പി പറഞ്ഞു. തങ്ങളെ വിമർശിച്ചത് സഹിഷ്ണുതയോടെയാണ് കണ്ടതെന്നും ഇ പി ജയരാജൻ വ്യക്തമാക്കി.അതേ സമയം മാത്യൂകുഴൽനാടൻ എംഎൽഎയെയും ഇ പി ജയരാജൻ രൂക്ഷമായ ഭാഷയിൽ വിമർശിച്ചു. ശല്യക്കാരൻ ആയ വ്യവഹാരി എന്ന പേരിൽ കുഴൽനാടനെ കോടതി ശാസിക്കണമെന്ന് ഇ പി ജയരാജൻ ആവശ്യപ്പെട്ടു.
