നാല് ദിവസത്തേക്ക് കുടുംബം ഒന്നിച്ച് വീട് വിട്ട് നിന്നു…പോയത് മലേഷ്യയിലേക്ക്.. വന്നപ്പോൾ കണ്ടത്…
നാല് ദിവസമായി ആളില്ലാതിരുന്ന വീട് കുത്തിത്തുറന്ന് മോഷണം. തിരുവനന്തപുരം ശ്രീകാര്യത്താണ് മോഷണം നടന്നത്. 15 പവൻ സ്വർണാഭരണങ്ങളും നാല് ലക്ഷം രൂപയുമാണ് മോഷണം പോയത്. കേരള സർവകലാശാല മുൻ അസിസ്റ്റൻറ് രജിസ്റ്റർ അനിൽകുമാറിൻ്റെ കരിയം ആഞ്ജനേയം വീടാണ് കുത്തിത്തുറന്ന് മോഷണം നടത്തിയത്.
കഴിഞ്ഞ നാല് ദിവസമായി വീട്ടിൽ ആളില്ലായിരുന്നു. നാല് ദിവസം മുമ്പ് മലേഷ്യയിലേക്ക് യാത്ര പോയ അനിൽകുമാർ രാവിലെ വീട്ടിലെത്തി നോക്കുമ്പോഴായിരുന്നു വീടിന്‍റെ മുൻവശത്തെ വാതിൽ പൊളിച്ച നിലയിൽ കാണപ്പെട്ടത്. പിന്നാലെ നടത്തിയ പരിശോധനയിലാണ് പല സ്ഥലങ്ങളിലായി വച്ചിരുന്ന സ്വർണ്ണവും പണവും നഷ്ടപ്പെട്ട വിവരം അറിയുന്നത്. അനിൽ കുമാറിന്‍റെ പരാതിയിൽ ശ്രീകാര്യം പൊലീസ് അന്വേഷണം ആരംഭിച്ചു. ഫോറൻസിക് വിരലടയാള വിദഗ്ധരും, ഡോക്സ് സ്കോഡും സ്ഥലത്തെത്തി പരിശോധന നടത്തി.
