സഹോദരങ്ങൾ തമ്മിലുള്ള വഴക്കിനെ തുടർന്ന് വീടുവിട്ടിറങ്ങി… പാലത്തിൽ നിന്ന് കായലിലേക്ക് ചാടി.. അരൂർ സ്വദേശികളിൽ ഒരാളെ…

തുറവൂർ: ആലപ്പുഴയിലെ തുറവൂരിൽ സഹോദരങ്ങൾ തമ്മിലുണ്ടായ വഴക്കിനെത്തുടർന്ന് ആത്മഹത്യാ ശ്രമം നടത്തി. കുമ്പളം പാലത്തിൽ നിന്ന് ചാടിയാണ് ആത്മഹത്യക്ക് ശ്രമിച്ചത്. സംഭവത്തിൽ സഹോദരന്മാരിൽ ഒരാളെ കാണാതായി. അരൂർ വട്ടക്കേരിൽ കേന്തം വെളിയിൽ സോണിയെ (36) ആണ് കാണാതായത്. ഇന്നലെ രാത്രി അരൂർ കുമ്പളം പാലത്തിന് സമീപമായിരുന്നു സംഭവം. വഴക്കിനെ തുടർന്നാണ് ചേട്ടൻ സോജിയും സോണിയും വീട്ടിൽ നിന്നിറങ്ങി അരൂർ കുമ്പളം പാലത്തിലെത്തിയത്. ഇതേതുടർന്ന് പാലത്തിനരികിൽ നിന്ന് ഇരുവരും തമ്മിൽ വീണ്ടും വാക്കേറ്റവും കൈയാങ്കളിയുമുണ്ടായി.

വഴക്ക് മൂർച്ഛിച്ചതോടെ അനുജൻ സോണി പാലത്തിൽ നിന്ന് കായലിലേക്ക് ചാടുകയായിരുന്നു. പിന്നാലെ രക്ഷപ്പെടുത്താനായി സോജിയും ചാടിയെങ്കിലും സോണി ഒഴുക്കിൽപ്പെടുകയായിരുന്നു. പാലത്തിന്റെ തൂണിൽ പിടിച്ചിരുന്ന ചേട്ടൻ സോജിയെ മത്സ്യത്തൊഴിലാളികളാണ് രക്ഷപ്പെടുത്തിയത്. പോലീസും ഫയർഫോഴ്‌സും മത്സ്യത്തൊഴിലാളികളും സോണിക്കായുള്ള തിരച്ചിൽ തുടരുകയാണ്.