‘മതിയായി ഈ എംഎല്എ, മാറ്റം തുടങ്ങാം… എന്ഡിഎയുടെ തെരഞ്ഞെടുപ്പ് പ്രചരണ വാചകം ഇങ്ങനെ
തിരുവനന്തപുരം: എന്ഡിഎയുടെ തെരഞ്ഞെടുപ്പ് പ്രചാരണ പരിപാടിക്ക് തുടക്കമായി. ‘മതിയായി ഈ എംഎല്എ, മാറ്റം തുടങ്ങാം’ എന്ന പ്രചരണ വാചകത്തോടെയാണ് എന്ഡിഎ തെരഞ്ഞെടുപ്പില് പ്രചരണം നടത്തുക.
ശബരിമല സ്വര്ണക്കൊള്ളയും പത്തുവര്ഷത്തെ ഇടതുഭരണം പരാജയമായിരുന്നുവെന്ന ആരോപണവും 140 നിയോജക മണ്ഡലങ്ങളിലെയും എംഎല്എമാര്ക്ക് വീഴ്ചകള് സംഭവിച്ചുവെന്ന വാദവും ഉയര്ത്തി പ്രചരണം നടത്താനാണ് എന്ഡിഎയുടെ തീരുമാനം.
മതിയായി ശബരിമല കൊള്ളക്കാരെ, മാറാത്തത് മാറും, ഇനി കേരളം വളരും തുടങ്ങിയ വാചകങ്ങളും സഖ്യത്തിലെ മുഖ്യകക്ഷിയായ ബിജെപിയുടെ പ്രചാരണ ബോര്ഡുകളില് ഇടം നേടും. സംസ്ഥാന അദ്ധ്യക്ഷന് രാജീവ് ചന്ദ്രശേഖറിന്റെ നേതൃത്വത്തില് തെരഞ്ഞെടുപ്പ് പ്രചരണ വിദഗ്ധരാണ് ഈ തെരഞ്ഞെടുപ്പ് പ്രചരണ വാചകങ്ങള് തയ്യാറാക്കിയത്.
