ആലപ്പുഴ റെയില്‍വേ പ്ലാറ്റ്‌ഫോമില്‍ വീഴാനാഞ്ഞ ഡിജിപിയെ രക്ഷിച്ച് എസ്‌ഐ..അഭിനന്ദനപ്രവാഹം…
ആലപ്പുഴ റെയില്‍വേ സ്റ്റേഷനില്‍ കാല്‍വഴുതി വീഴാനാഞ്ഞ സംസ്ഥാന പൊലീസ് മേധാവി ഷെയ്ഖ് ദര്‍വേഷ് സാഹേബിനെ രക്ഷിച്ച് പൊലീസ് ഉദ്യോഗസ്ഥന്‍.ആലപ്പുഴ സൗത്ത് സ്റ്റേഷനിലെ സ്‌പെഷ്യല്‍ ബ്രാഞ്ച് എസ്‌ഐ കെ പ്രതാപനാണ് ഡിജിപിയെ വീഴാതെ താങ്ങിയത്.ഇന്ന് ഉച്ചയ്ക്ക് ആണ് സംഭവം നടന്നത്. ആലപ്പുഴയില്‍ സ്വകാര്യ സന്ദര്‍ശനത്തിനായിരുന്നു ഡിജിപിയും കുടുംബവും എത്തിയത്. ഡിജിപി വരുന്നതിന്റെ ഭാഗമായിട്ടായിരുന്നു എസ്‌ഐ കെ പ്രതാപന് റെയില്‍വേ സ്റ്റേഷനില്‍ എത്തിയത്.
ചെറിയ മഴയില്‍ പ്ലാറ്റ്‌ഫോം നനഞ്ഞിരുന്നു. ട്രെയിന്‍ വന്ന് നിന്നതും ഡിജിപിയും കുടുംബവും പുറത്തേയ്ക്കിറങ്ങി. ഇതിനിടെ പ്ലാറ്റ്‌ഫോമില്‍ കാല്‍ വഴുതി ഡിജിപി വീഴാന്‍ തുടങ്ങിയതും എസ്‌ഐ ഓടി വന്ന് താങ്ങുകയായിരുന്നു.സംഭവം പൊലീസുകാരുടെ സോഷ്യല്‍ മീഡിയ ഗ്രൂപ്പുകളില്‍ വ്യാപകമായി പ്രചരിച്ചു. ഇതോടെ പ്രതാപന് അഭിനന്ദന പ്രവാഹമാണ്.
