അമിത വേഗതയിലെത്തിയ കാർ ഇടിച്ചു.. വീട്ടിലേയ്ക്ക് പോകുകയായിരുന്ന ആൾ മരിച്ചു…

സൈക്കിൾ യാത്രക്കാരൻ കാറിടിച്ചു മരിച്ചു. തിരുനല്ലൂർ തറയിൽ ഹരിദാസ് (65) ആണ് മരിച്ചത്. ഇന്ന് വൈകുന്നേരം 6.30. ഓടെ തിരുനല്ലൂർ പോസ്റ്റോഫിസിന് സമീപമായിരുന്നു അപകടം. കയർ തൊഴിലാളിയായ ഹരിദാസ് വീട്ടിലേയ്ക്കുള്ള സാധനങ്ങൾ വാങ്ങി സൈക്കിളിൽ മടങ്ങുമ്പോൾ കാർ അമിത വേഗതയിൽ വന്നിടിക്കുകയായിരുന്നു. ഓടിക്കൂടിയ നാട്ടുകാർ ഉടനെ താലൂക്കാശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ചേർത്തല പൊലീസ് ഇൻക്വസ്റ്റ് നടപടികൾ പൂർത്തിയാക്കി.