40വർഷക്കാലം ഇടത് സഹയാത്രികൻ….അമ്പലപ്പുഴ സി.പി.എം മുൻ എൽ.സി അംഗം എസ്.ഡി.പി.ഐ യിൽ….

അമ്പലപ്പുഴ: സി.പി.എം മുൻ എൽ.സി അംഗം പാർട്ടി വിട്ട് എസ്.ഡി.പി.ഐയിൽ ചേർന്നു. പുന്നപ്ര കിഴക്ക് മുൻ ലോക്കൽ കമ്മറ്റി അംഗവും, സി .ഐ. റ്റി .യു അമ്പലപ്പുഴ താലൂക്കു യൂണിയൻ മുൻ കമ്മിറ്റി അംഗവുമായ പുന്നപ്രസ്വദേശി വൈ .താജുദിനാണ് എസ്.ഡി.പി യിൽ അംഗത്തമെടുത്തത്. പുന്നപ്രയിൽ ഒരു വർഷം മുമ്പ് ഒരു പള്ളി കമിറ്റി യോഗത്തിൽ സി.പി.എം പ്രവർത്തകനായ ഒരു ഡ്രൈവർക്ക് മർദ്ദനമേറ്റിരുന്നു. ഇയാളെ മർദ്ദിച്ചത് എസ്.ഡി.പി.ഐ നേതാവെന്ന ആരോപണവും ഉയർന്നിരുന്നു. എസ്.ഡി.പി.ഐക്കാർക്ക് പള്ളി കമ്മിറ്റിയിലെ വിവരം ചോർത്തിയെന്ന നിഗമനത്തിൽ സി.പി.എം ഇദ്ദേഹത്തെ പുറത്താക്കി പോസ്റ്ററും ഒട്ടിച്ചു. എന്നാൽ 40 വർഷക്കാലം പാർട്ടിക്കു വേണ്ടി പ്രവർത്തിച്ചെങ്കിലും ചില നിക്ഷിപ്ത താൽപ്പര്യങ്ങൾക്കു വേണ്ടി പുറത്താക്കിയ നടപടിയിൽ പ്രതിഷേധിച്ചാണ് എസ്.ഡി.പി ഐയിൽ അംഗതമെടുത്തതെന്ന് വൈ. താജുദ്ദീൻ പറഞ്ഞു.