സിപിഐഎം കണ്ണൂര്‍ ജില്ലാ സെക്രട്ടറി തിരഞ്ഞെടുപ്പ് ഇന്ന്…
സിപിഐഎം കണ്ണൂര്‍ ജില്ലാ സെക്രട്ടറി തിരഞ്ഞെടുപ്പ് ഇന്ന്. നിലവിലെ ജില്ലാ സെക്രട്ടറി എംവി ജയരാജനെ സംസ്ഥാന സെക്രട്ടറിയേറ്റില്‍ ഉള്‍പ്പെടുത്തിയതിനെ തുടര്‍ന്നാണ് പുതിയ സെക്രട്ടറിയെ തെരഞ്ഞെടുക്കുന്നത്. സംസ്ഥാന സെക്രട്ടറി എം.വി ഗോവിന്ദന്റെ സാന്നിധ്യത്തില്‍ രാവിലെ ചേരുന്ന ജില്ലാ നേതൃയോഗത്തിലാകും തീരുമാനം.
സംസ്ഥാന കമ്മിറ്റി അംഗങ്ങളായ എം പ്രകാശന്‍, കെ കെ രാഗേഷ് എന്നിവരുടെ പേരുകളാണ് പ്രഥമ പരിഗണനയിലുള്ളത്. നേരത്തെ ടി.വി രാജേഷിന്റെ പേര് കൂടി ഉയര്‍ന്ന് കേട്ടിരുന്നെങ്കിലും രാജേഷിനെ സെക്രട്ടറി ആക്കുന്നതില്‍ ഒരു വിഭാഗം നേതൃത്വത്തെ എതിര്‍പ്പ് അറിയിച്ചതായാണ് വിവരം.
