‘മൊഴിയിൽ വൈരുദ്ധ്യം, പ്രഥമദൃഷ്ട്യാ തെളിവില്ല’.. ബലാത്സംഗക്കേസിൽ രാഹുലിന് എതിരായ പരാതിയിൽ സംശയമുണ്ടെന്ന് കോടതി
രാഹുല് മാങ്കൂട്ടത്തിലിനെതിരായ ബലാത്സംഗ പരാതിയിൽ സംശയമുണ്ടെന്ന് കോടതി. കേസില് രാഹുലിന് മുന്കൂര് ജാമ്യം നല്കിക്കൊണ്ടുള്ള തിരുവനന്തപുരം പ്രിന്സിപ്പല് സെഷന്സ് കോടതി ഉത്തരവിന്റെ പകര്പ്പിലാണ് ഇക്കാര്യം വ്യക്തമാക്കിയിരിക്കുന്നത്.
പരാതി നല്കിയതിലെ കാലതാമസം ചൂണ്ടിക്കാട്ടിയ സെഷന്സ് കോടതി രാഹുല് മാങ്കൂട്ടത്തിലിനെ കുറ്റകൃത്യവുമായി ബന്ധിപ്പിക്കാന് പ്രഥമദൃഷ്ട്യാ കഴിഞ്ഞിട്ടില്ലെന്നും ചൂണ്ടിക്കാട്ടി. പരാതിയിലും മൊഴിയിലും വൈരുദ്ധ്യമുണ്ട്. രാഹുലിന് എതിരായ ആരോപണം ഗൗരവതരമാണ്. പൊലീസിന് പരാതി നല്കാതെ കെപിസിസി പ്രസിഡന്റിന് പരാതി നല്കിയതും കോടതി ചൂണ്ടിക്കാട്ടി.
സമ്മര്ദ്ദത്താലാകാം പരാതി നല്കിയതെന്നും കോടതി വിലയിരുത്തി. പരാതി വൈകിയതും പ്രഥമദൃഷ്ട്യാ തെളിവില്ലാത്തതുമാണ് ജാമ്യത്തിന് കാരണം. പരാതി നല്കാന് വൈകിയതിന് പല ഭാഷ്യങ്ങളും വന്നു. ഹാജരാക്കിയ ചാറ്റുകള് ആരോപണം തെളിയിക്കുന്നതല്ലെന്നും വിധിപ്പകര്പ്പില് വ്യക്തമാക്കുന്നു.
