ജാമ്യത്തിന് വേണ്ടി പ്രാര്ത്ഥിക്കുന്നു: രാഹുല് ഈശ്വര്
കോടതിയില് പ്രതീക്ഷയുണ്ടെന്ന് രാഹുല് ഈശ്വര്. അന്വേഷണവുമായി സഹകരിച്ചെന്നും ജാമ്യത്തിന് വേണ്ടി പ്രാര്ത്ഥിക്കുകയാണെന്നും രാഹുല് ഈശ്വര് പറഞ്ഞു. എല്ലാവരും സത്യം മാത്രം പറയുക എന്നും രാഹുല് പറഞ്ഞു. വൈദ്യപരിശോധനയ്ക്കായി എത്തിച്ചപ്പോഴായിരുന്നു രാഹുലിന്റെ പ്രതികരണം. രാഹുല് മാങ്കൂട്ടത്തില് എംഎല്എയ്ക്കെതിരെ പരാതി നല്കിയ അതിജീവിതയെ അധിക്ഷേപിച്ച കേസില് റിമാൻഡിലാണ് രാഹുൽ ഈശ്വർ. ജയിലിൽ നിരാഹാരം കിടന്നിരുന്ന രാഹുൽ പിന്നീട് ഉപവാസം അവസാനിപ്പിച്ചിരുന്നു. നിരാഹാരം നിര്ത്തിയത് കിഡ്നിയെ ബാധിക്കുമെന്ന് ഡോക്ടര് പറഞ്ഞതിനാലാണ് എന്നാണ് രാഹുൽ വിശദീകരിച്ചത്.
