“തിരഞ്ഞെടുപ്പ് എപ്പോൾ വന്നാലും നേരിടാൻ കോൺഗ്രസ് സജ്ജം”… കെ.സി. വേണുഗോപാൽ

ആലപ്പുഴ: തെരഞ്ഞെടുപ്പ് തീയതി ഏത് ദിവസം പ്രഖ്യാപിച്ചാലും ഞങ്ങൾ സജ്ജമാണെന്ന് എഐസിസി ജനറൽ സെക്രട്ടറി കെ സി വേണുഗോപാൽ. കോൺ​ഗ്രസിൻ്റെ സ്ഥാനാർത്ഥി പട്ടിക അന്തിമഘട്ടത്തിലാണെന്നും തെരഞ്ഞെടുപ്പ് പ്രഖ്യാപിച്ച് കഴിഞ്ഞാൽ ദിവസങ്ങൾക്ക് അകം സ്ഥാനാർത്ഥികളെ തീരുമാനിക്കുമെന്നും അദ്ദേഹം പറഞ്ഞു.

കൃത്യമായ കാഴ്ചപ്പാടോടെ യുഡിഎഫ് മുന്നോട്ടുപോകുകയാണ്. ഇപ്പോഴത്തെ അവസ്ഥതയിൽ യുഡിഎഫിന് അമ്പലപ്പുഴയിൽ സ്ഥാനാർത്ഥി ഉണ്ടാകുമെന്നും നാളെ എന്താണ് സംഭവിക്കാൻ പോകുന്നേയെന്ന് പറയാൻ എനിക്ക് ജോത്സ്യം വശമില്ലയെന്നും അദ്ദേഹം പ്രതികരിച്ചു. കേരള ജനതയ്ക്ക് മൂന്നാം തവണ കൂടി പിണറായി സർക്കാരിനെ കുറിച്ച് ആലോചിക്കാൻ കഴിയുകയില്ലയെന്നും കെ സി വേണുഗോപാൽ പറഞ്ഞു. യഥാർത്ഥ കമ്മ്യൂണിസ്റ്റിന് പോലും അത് ആലോചിക്കാൻ കഴിയില്ലയെന്നും അദ്ദേഹം പറഞ്ഞു.