ഭക്ഷണവും വിശ്രമവും നൽകാതെ സ്വദേശികളുടെ വീടുകളിൽ ജോലിയെടുപ്പിച്ചു…ഇതെന്റെ അവസാനത്തെ വീഡിയോ ആയിരിക്കാം…

ജോലി വാഗ്ദാനം ചെയ്‌ത് മനുഷ്യക്കടത്ത് നടന്നതായി പരാതി. വാഗ്ദാനം ചെയ്ത ജോലി നൽകിയില്ലെന്നും ഭക്ഷണവും വിശ്രമവും നൽകാതെ കുവൈത്ത് സ്വദേശികളുടെ വീടുകളിൽ ജോലിയെടുപ്പിച്ചുവെന്നുമാണ് ആരോപണം. തനിക്കൊപ്പം ഏജൻ്റിൻ്റെ കെണിയിൽപ്പെട്ട നിരവധി യുവതികളുണ്ടെന്നും വീടുകളിൽ മാറിമാറി പണിയെടുപ്പിക്കുകയാണെന്നും മനുഷ്യക്കടത്തിന് ഇരയായ യുവതി പറയുന്ന വീഡിയോ പുറത്ത്. ഏജൻസികൾ തമ്മിലുള്ള പ്രശ്നങ്ങളാണ്. തന്നെ ഒരു റൂമിൽ പൂട്ടിയിട്ടിരിക്കുകയാണ്. ഭക്ഷണം പോലും കിട്ടുന്നില്ല. ശമ്പളമില്ല. ഇത് തന്റെ അവസാനത്തെ വീഡിയോ ആയിരിക്കാം. വല്ലാത്ത മാനസികാവസ്ഥയിലാണ് ആരും ഈ കെണിയിൽ പെടരുതെന്നും യുവതി വീഡിയോയിൽ പറയുന്നു.

ജിജി തിരുവനന്തപുരമെന്ന സ്ത്രീയാണ് ഖാലിദ് കാസർകോടിനെയും ഇടുക്കി കട്ടപ്പനയിലുള്ള ബിൻസിയെയും പരിജയപ്പെടുത്തിയത്. ഇവരാണ് കുവൈത്തിലേക്ക് കൊണ്ടുവന്നതെന്നും അവർ പറഞ്ഞു.ഇത്തരത്തിൽ പ്രവർത്തിക്കുന്നവർക്ക് ലെെസൻസില്ലെന്നും യുവതി പറയുന്നു. തന്റെ ഭാര്യയെ പൂട്ടിയിട്ടിരിക്കുകയാണെന്ന് പരാതിക്കാരിയുടെ ഭർത്താവ് പ്രതികരിച്ചു