അഷ്ടമുടിക്കായലിൽ ആവേശത്തിന്റെ വേലിയേറ്റം; പ്രസിഡന്റ്സ് ട്രോഫിയും ചാംപ്യന്സ് ബോട്ട് ലീഗ് ഫൈനലും നാളെ
കൊല്ലം: അഷ്ടമുടിക്കായലിന്റെ ഓളപ്പരപ്പുകളില് വീറും വാശിയും നിറയ്ക്കാന് 11-മത് പ്രസിഡന്റ്സ് ട്രോഫി വള്ളംകളി ജനുവരി 10ന്. ഉച്ചയ്ക്ക് 2ന് ധനകാര്യ വകുപ്പ് മന്ത്രി കെ.എന്.ബാലഗോപാല് ജലോത്സവം ഉദ്ഘാടനം ചെയ്യും. ക്ഷീരവികസന-മൃഗസംരക്ഷണ വകുപ്പ് മന്ത്രി ജെ. ചിഞ്ചുറാണി അധ്യക്ഷയാകും. ഗതാഗത വകുപ്പ് മന്ത്രി കെ.ബി.ഗണേഷ് കുമാറാണ് മുഖ്യാതിഥി. മേയര് എ.കെ.ഹഫീസ് പതാക ഉയര്ത്തും. മാസ്ഡ്രില് ഫ്ളാഗ് ഓഫ് എന് കെ പ്രേമചന്ദ്രന് എം.പി നിര്വഹിക്കും
