ആലപ്പുഴയുടെ സ്വപ്ന പദ്ധതികള്; എസി റോഡും പെരുമ്പളം പാലവും ഇന്ന് മുഖ്യമന്ത്രി നാടിന് സമര്പ്പിക്കും
ആലപ്പുഴ: 752 കോടി ചെലവഴിച്ചു നിര്മ്മിച്ച ആലപ്പുഴ -ചങ്ങനാശ്ശേരി റോഡ് (എസി റോഡ്), 65.5 കോടി രൂപയില് നിര്മിച്ച പടഹാരം പാലം, കാവാലം തട്ടാശ്ശേരി പാലത്തിന്റെ നിര്മ്മാണം എന്നിവയുടെ ഉദ്ഘാടനം രാവിലെ 10 മണിക്ക് മുഖ്യമന്ത്രി നിര്വഹിക്കും.പൊതുമരാമത്ത് വകുപ്പിന്റെ സംസ്ഥാനത്തെ വിവിധ പദ്ധതികളുടെ ഉദ്ഘാടനവും ഇതോടൊപ്പം നടക്കും
പൊതുമരാമത്ത് വകുപ്പിന്റെ കീഴില് കെ എസ് ടി പി യുടെ മേല്നോട്ടത്തില് റീബില്ഡ് കേരള ഇനിഷ്യേറ്റീവ് പദ്ധതിയുടെ ഭാഗമായി സെമി എലിവേറ്റഡ് ഹൈവേയായാണ് എ.സി റോഡ് പുനരുദ്ധരിച്ചത്. കിഫ്ബിയുടെ ധനസഹായത്തോടെ കെ ആര് എഫ് ബി യുടെ മേല്നോട്ടത്തിലാണ് പടഹാരം പാലം നിര്മിച്ചിരിക്കുന്നത്.
