ആലപ്പുഴയിലും സംഘര്ഷം…ഹരിപ്പാട് സിപിഎം സ്ഥാനാര്ത്ഥിയുടെ ഭര്ത്താവിനെ ബിജെപി പ്രവര്ത്തകന് ഹെല്മറ്റ് കൊണ്ട് മർദ്ദിച്ചു…
തദ്ദേശ തിരഞ്ഞെടുപ്പുമായി ബന്ധപ്പെട്ട് കണ്ണൂരിലും ആലപ്പുഴയിലും സംഘര്ഷം.ആലപ്പുഴ ഹരിപ്പാട് സിപിഎം സ്ഥാനാര്ത്ഥിയുടെ ഭര്ത്താവിന് മര്ദ്ദനമേറ്റതായാണ് പ്രവര്ത്തകര് ആരോപിക്കുന്നത്.
ഹരിപ്പാട് സിപിഎം സ്ഥാനാര്ത്ഥി രമ്യയുടെ ഭര്ത്താവിനെ ബിജെപി പ്രവര്ത്തകന് ഹെല്മറ്റ് കൊണ്ടടിച്ചു എന്നാണ് ആരോപണം. ഭര്ത്താവിനെ മര്ദ്ദിക്കുന്നത് കണ്ട് രമ്യ കുഴഞ്ഞുവീണതായും പരാതിയില് പറയുന്നു. വോട്ടെടുപ്പ് ദിവസമായ ഇന്ന് അര്ത്തുങ്കല് ആയിരംതൈയില് യുഡിഎഫ് ബൂത്ത് ഏജന്റിന് മര്ദ്ദനമേറ്റു. സിപിഎം പ്രവര്ത്തകരാണ് മര്ദ്ദിച്ചതെന്ന് യുഡിഎഫ് ആരോപിക്കുന്നു. ലജ്നത്ത് വാര്ഡില് പിഡിപി സ്ഥാനാര്ത്ഥിയുടെ സുഹൃത്തിനാണ് മര്ദ്ദനമേറ്റത്.
