കോഴിക്കോട് ഹർത്താലിനിടെ സംഘർഷം; ബസ് തടഞ്ഞ് കോൺഗ്രസ് പ്രവർത്തകർ.. പോലീസുമായി…

കോൺഗ്രസ് ആഹ്വാനം ചെയ്ത ഹർത്താലിനിടെ കോഴിക്കോട് ജില്ലയിൽ സംഘർഷം. മൊഫ്യൂസൽ സ്റ്റാന്റിൽ ബസ് ജീവനക്കാരും കോൺഗ്രസ് പ്രവർത്തകരും തമ്മിലാണ് സംഘർഷമുണ്ടായത്. പ്രവർത്തകർ ബസ് തടഞ്ഞത് ചോദ്യം ചെയ്തതാണ് പ്രകോപനത്തിനിടയാക്കിയത്. യാത്രക്കാരെ ബസിൽ നിന്ന് ഇറക്കിവിട്ടു.

മുക്കത്ത് കോൺഗ്രസ് പ്രവർത്തകർ ബസുകൾ തടയുകയും കടകൾ അടപ്പിക്കുകയും ചെയ്തു. യാത്രക്കാർക്കുനേരെ കോൺഗ്രസ് പ്രവർത്തകരുടെ കൈയേറ്റ ശ്രമവുമുണ്ടായി.കൂടാതെ പോലീസുമായി പ്രവർത്തകർ വാക്കുതർക്കത്തിൽ ഏർപ്പെട്ടതായും റിപ്പോർട്ട്‌ ഉണ്ട്.സ്വകാര്യ ബസുകളും കെഎസ്ആർടിസിയും സർവീസ് നടത്തുന്നുണ്ട്.