കേന്ദ്രം സിനിമ വിലക്കുമ്പോൾ കേരളം പാട്ട് വിലക്കുന്നു; ഐഎഫ്എഫ്കെ വേദിയില് പാരഡി പാടി പ്രതിഷേധിച്ച് ചാണ്ടി ഉമ്മന്
ഐഎഫ്എഫ്കെ വേദിയില് പാരഡി പാടി പ്രതിഷേധിച്ച് ചാണ്ടി ഉമ്മന്എംഎൽഎ. ‘പോറ്റിയേ കേറ്റിയേ’ പാട്ടുപാടിയാണ് എംഎൽഎയുടെ പ്രതിഷേധം. ആവിഷ്കാര സ്വാതന്ത്ര്യത്തിന് തടയിടുന്നതിൽ കേന്ദ്രവും- കേരളവും ഒരുപോലെയാണ്. കേന്ദ്രം സിനിമ വിലക്കുമ്പോൾ കേരളം പാട്ട് വിലക്കുന്നു., ഇഷ്ടമില്ലാത്തത് വിലക്കുന്ന രീതിയാണ് രണ്ടു കൂട്ടരും കാണിക്കുന്നത്. പലസ്തീൻ രാഷ്ട്രീയം പറയുന്ന ചിത്രങ്ങൾ കേന്ദ്രം വിലക്കിയപ്പോൾ. കേരള രാഷ്ട്രീയം പറയുന്ന പാട്ടാണ് വിലക്കിയത്. ഇഷ്ടമില്ലാത്തത് വിലക്കുന്നതിൽ കേന്ദ്രവും കേരളവും മുണ്ടും ജാക്കറ്റും പോലെ. പാട്ട് പാടിയതിന്റെ പേരിൽ അറസ്റ്റ് ചെയ്യുകയാണെങ്കിൽ തന്നെയും അറസ്റ്റ് ചെയ്യട്ടെ എന്നും ചാണ്ടി ഉമ്മൻ വ്യക്തമാക്കി.
ഇവിടെ ഒരു പാട്ട് പാടാന് സമ്മതിക്കാത്തവര് സിനിമയെക്കുറിച്ച് ദുഃഖിക്കേണ്ട കാര്യമുണ്ടോ? ഒരു പാട്ടിനെതിരെ വ്യാപകമായി കേസെടുക്കുന്നു, അത് പിന്വലിക്കണമെന്ന് പറയുന്നു. ആ പാട്ടുപാടാന് അനുവദിക്കാത്തവര് സിനിമയെക്കുറിച്ച് ദുഃഖിക്കേണ്ട കാര്യമുണ്ടോ? രണ്ടുകൂട്ടരും ഒരു കാര്യമല്ലേ ചെയ്യുന്നത്? കേസെടുത്ത് ഇത് അവസാനിപ്പിക്കാമെന്ന് ആരും കരുതേണ്ട. ഇത് ആവിഷ്കാര സ്വാതന്ത്രത്തിന്റെ പ്രശ്നമാണ്. കൊച്ചുകുട്ടി മുതല് ഈ പാട്ട് പാടുന്നുണ്ട്. എല്ലാവര്ക്കുമെതിരെ കേസെടുക്കാനാണെങ്കില് ഇവിടുത്തെ ജയിലുകള് പോരാതെ വരും, ചാണ്ടി ഉമ്മന് പറഞ്ഞു.
