വഖഫ് എന്നാല്‍..വിവാദ പ്രസ്താവന..കലാപ ആഹ്വാനം..സുരേഷ്‌ഗോപിക്കെതിരെ പരാതിയുമായി…
കേന്ദ്ര മന്ത്രി സുരേഷ് ഗോപിക്കെതിരെ പൊലീസിൽ പരാതി നൽകി കോൺഗ്രസ്.വഖഫ് പരാമർശത്തിലാണ് പരാതി.കെപിസിസി മീഡിയ പാനലിസ്റ്റ് വി ആർ അനൂപ് ആണ് പരാതി നൽകിയത്. മതവികാരം വ്രണപ്പെടുത്തിയെന്നും കലാപഹ്വാനം നടത്തിയെന്നും കാണിച്ചാണ് പരാതി നൽകിയിരിക്കുന്നത്.
മുനമ്പം വഖഫ് ഭൂമി വിഷയത്തിലാണ് കേന്ദ്ര മന്ത്രി സുരേഷ് ഗോപി വിവാദ പരാമര്‍ശവുമായി രംഗത്ത് എത്തിയത്. വഖഫ് എന്നാല്‍ നാല് അക്ഷരങ്ങളില്‍ ഒതുങ്ങുന്ന കിരാതമെന്ന് കേന്ദ്ര മന്ത്രി സുരേഷ് ഗോപി പറഞ്ഞിരുന്നു . ആ ബോര്‍ഡിന്റെ പേര് താന്‍ പറയില്ലെന്നും ആ കിരാതത്തെ ഒതുക്കിയിരിക്കുമെന്നും സുരേഷ് ഗോപി പറഞ്ഞു. അമിത് ഷായുടെ ഓഫീസില്‍ നിന്ന് അയച്ച ഒരു വിഡിയോ ഉണ്ടെന്നും അതിവിടെ പ്രചരിപ്പിക്കണമെന്നും വയനാട് മണ്ഡലത്തിലെ പ്രചാരണ യോഗത്തില്‍ സുരേഷ് ഗോപി പറഞ്ഞിരുന്നു .പിന്നാലെയാണ് പോലീസിൽ പരാതി നൽകിയത്.
വയനാട്ടില്‍ ബിജെപി സ്ഥാനാര്‍ത്ഥി നവ്യ ഹരിദാസിന്റെ പ്രചാരണത്തില്‍ പങ്കെടുക്കാനാണ് സുരേഷ് ഗോപി എത്തിയത്. നവ്യ ഹരിദാസിനായി നിരവധി പൊതു പരിപാടികളിലാണ് സുരേഷ ഗോപി ഇന്ന് പങ്കെടുത്തത്. സംസ്ഥാന സര്‍ക്കാരിനെതിരെ അതിരൂക്ഷമായി വിമര്‍ശനങ്ങള്‍ ഉന്നയിക്കുന്ന സുരേഷ് ഗോപി രാഹുല്‍ഗാന്ധിക്കെതിരെയും ഗുരുതര ആരോപണങ്ങളാണ് ഉന്നയിക്കുന്നത്.
