പ്രചാരണം ഊര്ജ്ജിതം, ആവേശമുയര്ത്തി മുന്നണികള്, രാഹുല്ഗാന്ധി ഇന്ന് കോഴിക്കോട്, പിണറായി വിജയന് തിരുവനന്തപുരത്ത്
നിയമസഭ തിരഞ്ഞെടുപ്പിന്റെ പ്രചാരണം ഊര്ജ്ജിതം. കേരളം പോളിങ് ബൂത്തിലേക്ക് എത്താന് ഇനി ഒമ്പതു ദിവസം മാത്രമാണ് ശേഷിക്കുന്നത്. പ്രമുഖ നേതാക്കളെയും താരപ്രചാരകരെയും അണിനിരത്തി ആവേശം വാനോളമുയര്ത്തുകയാണ് മുന്നണികള്.
വടക്കന് കേരളത്തില് യുഡിഎഫിന് ആവേശമായി രാഹുല് ഗാന്ധി ഇന്ന് കോഴിക്കോട് എത്തും. കണ്ണൂര്, കോഴിക്കോട് ജില്ലകളിലെ തിരഞ്ഞെടുപ്പ് പ്രചാരണ യോഗങ്ങളില് രാഹുല്ഗാന്ധി സംബന്ധിക്കും. രാവിലെ 10 ന് കണ്ണൂര് പൊലീസ് മൈതാനിയില് നടക്കുന്ന തിരഞ്ഞെടുപ്പ് പ്രചാരണ യോഗത്തില് സംസാരിക്കും. ജില്ലയിലെ 11 യുഡിഎഫ് സ്ഥാനാര്ത്ഥികളും യോഗത്തില് പങ്കെടുക്കും.
കണ്ണൂരിലെ പൊതുയോഗത്തിനു ശേഷം രാഹുല്ഗാന്ധി കോഴിക്കോട്ടേക്ക് പോകും. കോഴിക്കോട് ജില്ലയില് പേരാമ്പ്ര, ബാലുശ്ശേരി മണ്ഡലങ്ങളിലെ യോഗങ്ങളില് പങ്കെടുക്കും. ബാലുശ്ശേരി മുതല് നന്മണ്ട വരെ ഇന്ദിരാ ഗ്യാരണ്ടി ബസ്സില് സഞ്ചരിക്കും. എല്ഡിഎഫിന് വോട്ടു തേടി സിപിഎം പി ബി അംഗം മറിയം ധാവ്ളെ ഇന്ന് മലബാറിലെത്തും. എന്ഡിഎ സ്ഥാനാര്ത്ഥികള്ക്ക് വോട്ടുതേടി നടി ഖുശ്ബുവും കോഴിക്കോടെത്തുന്നുണ്ട്.
