ബസ് ജീവനക്കാരെ മർദിച്ചു.. സ്വകാര്യ ബസുകളുടെ മിന്നല്‍ പണിമുടക്ക്….
സ്വകാര്യ ബസ്സിലെ ജീവനക്കാരെ നാട്ടുകാര്‍ മര്‍ദ്ദിച്ചു എന്ന് ആരോപിച്ച് സ്വകാര്യ ബസുകളുടെ മിന്നല്‍ പണിമുടക്ക്.കോഴിക്കോട് – മാവൂര്‍ റൂട്ടിലാണ് ബസുകൾ പണിമുടക്കുന്നത്.മര്‍ദ്ദിച്ചവര്‍ക്കെതിരേ നടപടിയെടുക്കുന്നത് വരെ സമരം തുടരുമെന്ന് ബസ് ജീവനക്കാര്‍ അറിയിച്ചു.എടവണ്ണപ്പാറ, പെരുമണ്ണ, കുറ്റിക്കടവ്, മാവൂര്‍, ചെറുവാടി ഭാഗങ്ങളിലേക്കുള്ള ബസുകളാണ് പണിമുടക്കുന്നത്. പരിക്കേറ്റ ബസ് ജീവനക്കാരും നാട്ടുകാരും ആശുപത്രിയില്‍ ചികിത്സയിലാണ്. ജീവനക്കാരുടെ പരാതിയില്‍ മാവൂര്‍ പോലീസ് കേസെടുത്തിട്ടുണ്ട്.
