താമര വിട്ട് ഇനി ‘കൈ’യ്ക്കുള്ളിൽ… സന്ദീപ് വാര്യര്‍ കോൺഗ്രസിലേക്ക്…

നേതൃത്വവുമായ ഇടഞ്ഞു നി​ൽക്കുന്ന ബി​.ജെ.പി​. നേതാവ് സന്ദീപ് വാര്യർ കോൺ​ഗ്രസി​ലേക്ക്. ഇന്ന് പ്രഖ്യാപനമുണ്ടാകുമെന്ന് സൂചന. കെപിസിസി ഉടൻ വാർത്താ സമ്മേളനം വിളിച്ചാകും പ്രഖ്യാപനം നടത്തുക. ഇത് ഉടൻ ഉണ്ടാകുമെന്നാണ് വിവരം. നേരത്തെ ബിജെപിയുമായി ഇടഞ്ഞ സന്ദീപ് സിപിഎമ്മുമായും സിപിഐയുമായുമടക്കം ചര്‍ച്ച നടത്തിയിരുന്നു.

ബി​.ജെ.പി​. നേതൃത്വവുമായി തുറന്ന പോരിനിറങ്ങിയ സന്ദീപ് വാര്യർ സി​.പി​.എമ്മി​ൽ ചേരുമെന്ന് നേരത്തേ അഭ്യൂഹമുയർന്നി​രുന്നു. സി​.പി​.എം. നേതാക്കൾ അദ്ദേഹത്തെ സ്വാഗതവും ചെയ്തതാണ്. പാലക്കാട്ടെ പാർട്ടി​ സ്ഥാനാർത്ഥി​ സി​. കൃഷ്ണകുമാറുമായി​ ബന്ധപ്പെട്ട അഭി​പ്രായഭി​ന്നതകളാണ് ഇടച്ചി​ലി​ന് വഴി​യൊരുക്കി​യത്. സമവായത്തി​ന് ആർ.എസ്.എസ്. നേതൃത്വവും ഇടപെട്ടി​രുന്നെങ്കി​ലും സന്ദീപി​നെ അനുനയിപ്പിക്കാനായിരുന്നി​ല്ല.

താൻ ഉന്നയിച്ച പ്രശ്‌നങ്ങൾക്ക് പാർട്ടി ഇതുവരെ പരിഹാരം കണ്ടില്ലെന്നും തന്നെ മനപ്പൂർവ്വം ഒഴിവാക്കുകയാണെന്ന് സംശയിക്കുന്നതായുംകൃഷ്ണകുമാർ പരാജയപ്പെട്ടാൽ ഉത്തരവാദിത്തം തന്റെ തലയിൽ കെട്ടിവെക്കാനുള്ള ശ്രമവും നടക്കുന്നുണ്ടെന്ന് സന്ദീപ് പറഞ്ഞി​രുന്നു.