ബൈക്ക് യാത്രികനെ ക്രൂരമായി മർദിച്ച് നാലംഗസംഘം.. ഹെൽമെറ്റ് കൊണ്ടടിച്ചു, ചാവികൊണ്ട് കുത്തി….
മലപ്പുറം മങ്കടയിൽ ബൈക്ക് യാത്രികന് ക്രൂരമർദനമേൽക്കുന്നതിന്റെ ദൃശ്യങ്ങൾ പുറത്ത്. മങ്കട ഞാറക്കാട് സ്വദേശി ഹരിഗോവിന്ദനാണ് (48) മർദ്ദനമേറ്റത്. ഹെൽമെറ്റ് കൊണ്ട് തലക്കടിക്കുന്നതും മുഖത്ത് ക്രൂരമായി പ്രഹരിക്കുന്നതും ദൃശ്യങ്ങളിൽ കാണാം. ചാവി കൊണ്ട് കുത്തിയും പരിക്കേൽപ്പിച്ചു. ബൈക്കിൽ ഇടത് വശത്ത് കൂടി ഓവർടേക്ക് ചെയ്തെന്ന് പറഞ്ഞാണ് ആക്രമിച്ചത്. നാല് പേർ ചേർന്നാണ് ഹരിഗോവിന്ദനെ മർദിച്ചത്. സംഭവത്തിൽ പ്രതികൾക്ക് എതിരെ വധശ്രമത്തിന് കേസെടുത്തതായി മങ്കട പൊലീസ് അറിയിച്ചു.
