ബംഗളൂരു മെട്രോയിൽ ജോലിനേടാൻ അവസരം.. ശമ്പളം 35,000 മുതൽ 82,660 വരെ…

ബംഗളൂരു: മെട്രോയിൽ ജോലി നേടണോ? നിരവധി ഒഴിവുകൾ. ബംഗളൂരു മെട്രോ റെയിൽ കോർപ്പറേഷൻ ലിമിറ്റഡിന് കീഴിൽ ട്രെയിൻ ഓപ്പറേറ്റർ തസ്‌തികയിലേക്കാണ് അപേക്ഷകൾ ക്ഷണിച്ചിരിക്കുന്നത്. ആകെ 50 ഒഴിവുകളാണുള്ളത്. കരാർ അടിസ്ഥാനത്തിൽ അഞ്ച് വർഷത്തേക്കാണ് നിയമനം. ചിലപ്പോൾ കാലാവധി നീട്ടാനും സാദ്ധ്യതയുണ്ട്. ‌‌

പത്താം ക്ലാസും ഇലക്‌ട്രിക്കൽ എഞ്ചിനീയറിംഗ്/ഇലക്ട്രിക്കൽ ആൻഡ് ഇലക്ട്രോണിക്സ് എഞ്ചിനീയറിംഗ്/ ടെലികമ്മ്യൂണിക്കേഷൻസ്/ ഇലക്ട്രോണിക്സ് ആൻഡ് കമ്മ്യൂണിക്കേഷൻ എഞ്ചിനീയറിംഗ്/ ഇലക്ട്രിക്കൽ പവർ സിസ്റ്റംസ്/ ഇൻഡസ്ട്രിയൽ ഇലക്ട്രോണിക്സ്/ മെക്കാനിക്കൽ എഞ്ചിനീയറിംഗ് എന്നിവയിൽ ത്രിവത്സര ഡിപ്ലോമ അല്ലെങ്കിൽ തതുല്യ യോഗ്യതയും ബന്ധപ്പെട്ട മേഖലയിൽ മൂന്നുവർഷത്തെ പ്രവൃത്തിപരിചയവും വേണം. അപേക്ഷകരുടെ പ്രായം 38ൽ വയസിൽ കവിയാൻ പാടില്ല. 35,000 മുതൽ 82,660 വരെയാണ് ശമ്പളം.

എഴുത്ത് പരീക്ഷയ്‌ക്ക് പുറമേ സ്‌കിൽ ടെസ്റ്റും അഭിമുഖവും നടത്തിയാവും ഉദ്യോഗാർത്ഥികളെ തിരഞ്ഞെടുക്കുക. ഇതോടൊപ്പം മെഡിക്കൽ ഫിറ്റ്‌നസ് ടെസ്റ്റും ഉണ്ടാകും. അപേക്ഷകൾ ഓൺലൈനായി സമർപ്പിച്ച ശേഷം ഹാർഡ്‌കോപ്പി സ്‌പീഡ് പോസ്റ്റ് വഴി ബംഗളൂരു മെട്രോ റെയിൽ കോർപ്പറേഷൻ ലിമിറ്റഡിന് അയക്കണം. വിശദാംശങ്ങൾക്കായി www. bmrc.co.in എന്ന വെബ്‌സൈറ്റ് സന്ദർശിക്കുക. ഏപ്രിൽ നാലാണ് ഓൺലൈൻ അപേക്ഷകൾ സമർപ്പിക്കേണ്ട അവസാന തീയതി. ഹാർഡ് കോപ്പി സ്വീകരിക്കുന്ന അവസാന തീയതി ഏപ്രിൽ ഒമ്പതാണ്.