ചേർത്തലയിൽ ബാറിൽ അടിപിടി…ഒളിവിലായിരുന്ന പ്രതി ഡ്രാഗൺ അപ്പു’ പിടിയിൽ…
ബാറിൽ മദ്യപിക്കാനെത്തിയ ചെറുപ്പക്കാരെ ഭീകരമായി മർദ്ദിച്ച കേസിൽ രണ്ടാം പ്രതി അറസ്റ്റിൽ. ചേർത്തല താലൂക്ക് മാരാരിക്കുളം വടക്ക് പഞ്ചായത്ത് വാർഡ് 18-ൽ ചെത്തി പി ഒ-യിൽ 27 വയസ്സുള്ള ‘ഡ്രാഗൺ അപ്പു’ എന്ന് വിളിക്കുന്ന അമൽ പയസാണ് അറസ്റ്റിലായത്.
ഒക്ടോബർ 30-ന് വൈകുന്നേരം 6:45-നായിരുന്നു സംഭവം. ബാറിൽ മദ്യപിക്കാനെത്തിയവരുമായി വാക്കുതർക്കത്തിൽ ഏർപ്പെട്ട പ്രതികൾ പുറത്തിറങ്ങിയ ചെറുപ്പക്കാരെ മർദ്ദിക്കുകയായിരുന്നു. രണ്ടാം പ്രതിയായ അമൽ പയസ് തന്റെ കൈവശമുണ്ടായിരുന്ന ഹോക്കി സ്റ്റിക്ക് ഉപയോഗിച്ച് നടത്തിയ മർദ്ദനത്തിൽ എറണാകുളം സ്വദേശിയുടെ തലയ്ക്ക് പരിക്കേൽക്കുകയും കൈവിരലുകൾക്ക് ഒടിവ് സംഭവിക്കുകയും ചെയ്തിരുന്നു. സംഭവത്തിന് ശേഷം ഒളിവിൽ പോയ അമൽ പയസിനെ മാരാരിക്കുളം പൊലീസ് അറസ്റ്റ് ചെയ്തു. .
