സ്കൂൾ യുവജനോത്സവത്തിൽ ഫലസ്തീൻ അനുകൂല കോൽക്കളി; വേദിയിലെത്തി വിദ്യാർത്ഥികളെ ഇറക്കിവിട്ട് പ്രിൻസിപ്പൽ അടക്കമുള്ള അധ്യാപകർ..
സ്കൂൾ യുവജനോത്സവത്തിന് പാലസ്തീൻ അനുകൂല കോൽക്കളി നടത്തിയ വിദ്യാർത്ഥികളെ വേദിയിൽ നിന്ന് ഇറക്കിവിട്ട് സ്കൂൾ അധികൃതർ. അഞ്ചരക്കണ്ടി ഹയർ സെക്കൻഡറി സ്‌കൂളിലാണ് സംഭവം. സ്കൂൾ യുവജനോത്സവത്തോട് അനുബന്ധിച്ച് നടന്ന കോൽക്കളിയാണ് പ്രിൻസിപ്പലും അധ്യാപകരും വേദിയിലെത്തി തടഞ്ഞത്. കളിക്കിടെ വിദ്യാർഥികളെ തിരിച്ചയക്കുകയായിരുന്നു.
ഹയൽ സെക്കൻഡറി വിഭാഗം വിദ്യാർഥികൾ അവതരിപ്പിച്ച കോൽക്കളിയാണ് തടഞ്ഞത്. യുവജനോത്സവ മാന്വലിന് വിരുദ്ധമെന്നാരോപിച്ചാണ് നടപടി. മത്സരം തുടങ്ങിയപ്പോൾ പ്രിൻസിപ്പൽ അടക്കമുള്ള അധ്യാപകർ വേദിയിലെത്തി മത്സരം നിർത്തിവെക്കാൻ ആവശ്യപ്പെട്ട് ഇറക്കിവിടുകയായിരുന്നു. സിപിഎം നിയന്ത്രണത്തിലുള്ള സൊസൈറ്റിയുടെ ഉടമസ്ഥതയിലുള്ളതാണ് സ്കൂൾ. കോൽക്കളി തടഞ്ഞതിനെ തുടർന്ന് എംഎസ്എഫ്, കെഎസ്‌യു പ്രവർത്തകർ സ്‌കൂളിലേക്ക് മാർച്ച് നടത്തി.
