ആറ്റുകാൽ ഉത്സവം…സുരക്ഷ ഡ്യൂട്ടിയിലുള്ള വനിതാ പോലീസുദ്യോഗസ്ഥകരെ കയ്യേറ്റം ചെയ്തു സിപിഎം കൗൺസിലർ…

തിരുവനന്തപുരം: ആറ്റുകാൽ ഉത്സവത്തിന് സുരക്ഷ ഡ്യൂട്ടിയിലുള്ള വനിതാ പൊലീസുകാരെ കയ്യേറ്റം ചെയ്തു. ആറ്റുകാൽ വാർഡ് അംഗവും സിപിഎം ചാല ഏരിയ കമ്മിറ്റി അംഗവുമായ ഉണ്ണികൃഷ്ണനെതിരെ ഫോർട്ട് പൊലീസ് കേസെടുത്തു.
പടിഞ്ഞാറേ നട വഴി കൗണ്‍സിലർ ഉണ്ണി ചിലരെ കടത്തിവിടാൻ ശ്രമിച്ചതാണ് പൊലീസുമായുള്ള തർക്കത്തിന് ഇടയായത്. ഇത് തടയാൻ ശ്രമിച്ച എസ്ഐയും കൗണ്‍സിലറുമായി കയ്യേറ്റമുണ്ടായി. ഇതിനിടെ രണ്ട് വനിതാ പൊലീസുകാർക്ക് പരിക്കേറ്റു. ഒരു വനിതാ പൊലീസുകാരി സംഘർഷത്തിനിടെ നിലത്തു വീണു. മറ്റൊരാള്‍ക്ക് കൈയ്ക്കും പരിക്കേറ്റു. വനിതാ പൊലീസുകാരുടെ പരാതിയിലാണ് ജാമ്യമില്ലാ വകുപ്പ് പ്രകാരം കേസെടുത്തത്.