ആലപ്പുഴ ബൈപ്പാസിൽ യുവാവിനെ തട്ടിക്കൊണ്ടുപോകാൻ ശ്രമം.. അരങ്ങേറിയത് നാടകീയ രംഗങ്ങൾ….

ആലപ്പുഴ ബൈപ്പാസിൽ യുവാവിനെ തട്ടിക്കൊണ്ടുപോകാൻ ശ്രമം. കൊല്ലം കരുനാഗപ്പള്ളി സ്വദേശി ഷംനാദിനെയാണ് ഇന്നോവയിലെത്തിയ സംഘം തട്ടിക്കൊണ്ടു പോകാൻ ശ്രമിച്ചത്. എന്നാൽ പാതിവഴിയിൽ വെച്ച് യുവാവ് രക്ഷപ്പെട്ടതോടെ സംഘം വാഹനം ഉപേക്ഷിച്ച് രക്ഷപ്പെട്ടു.
യുവാവിനെയും കൊണ്ട് പോകുന്നതിനിടെ സംഘം സംഘരിച്ച ഇന്നോവ റോഡിന് നടുവിലെ ഡിവൈഡറിൽ ഇടിച്ചു. ഈ സമയത്ത് കാറിന്റെ ചില്ല് അടിച്ചു പൊളിച്ചു യുവാവ് വാഹനത്തിൽ നിന്ന് പുറത്തിറങ്ങി രക്ഷപ്പെടുകയായിരുന്നു. ഇതോടെ വാഹനം ഉപേക്ഷിച്ച തട്ടിക്കൊണ്ടുപോകൽ സംഘം പിന്നാലെ എത്തിയ മറ്റൊരു കാറിൽ കയറി രക്ഷപ്പെട്ടു. അഞ്ചുപേരാണ് യുവാവിനെ തട്ടിക്കൊണ്ടുപോയ സംഘത്തിലുണ്ടായിരുന്നത്.