അതുല്യയുടെ മരണം കഴുത്ത് ഞെരിഞ്ഞ്.. ശരീരത്തില് 46 മുറിവുകള്.. റീ പോസ്റ്റ്മോര്ട്ടം റിപ്പോര്ട്ട് പുറത്ത്…
ഷാര്ജയിലെ ഫ്ലാറ്റില് ജീവനൊടുക്കിയ നിലയില് കണ്ടെത്തിയ കൊല്ലം തേവലക്കര സ്വദേശി അതുല്യയുടെ ശരീരത്തില് 46 മുറിവുകള് ഉണ്ടായിരുന്നതായി റീ പോസ്റ്റ്മോര്ട്ടം റിപ്പോര്ട്ട്. മുറിവുകള് പലതും മരിക്കുന്നതിന് മണിക്കൂറുകള് മുന്പ് മുതല് ഒരാഴ്ച വരെ പഴക്കമുള്ളത്.കഴുത്ത് ഞെരിഞ്ഞാണ് മരണം സംഭവിച്ചതെന്നും പോസ്റ്റ് മോര്ട്ടം റിപ്പോര്ട്ടില് ചൂണ്ടിക്കാട്ടുന്നു.
പാരിപ്പള്ളി മെഡിക്കല് കോളജ് ആശുപത്രിയിലാണ് അതുല്യയുടെ മൃതദേഹം റീ പോസ്റ്റ്മോര്ട്ടം നടത്തിയത്. കഴുത്ത് ഞെരിഞ്ഞുള്ള മരണമാണെന്നും, ഇതു കൊലപാതകമോ ആത്മഹത്യയോ ആകാമെന്നുമുള്ള റീ പോസ്റ്റ്മോര്ട്ടം റിപ്പോര്ട്ടോടെ, അതുല്യയുടെ മരണത്തില് ദുരൂഹതകള് വര്ധിച്ചു. റീ പോസ്റ്റുമോര്ട്ടം റിപ്പോര്ട്ടിന്റെ അടിസ്ഥാനത്തില് മുന്കൂര് ജാമ്യം റദ്ദാക്കി കസ്റ്റഡിയില് വേണമെന്നാണ് അന്വേഷണ സംഘത്തിന്റെ ആവശ്യം. ഈ അപേക്ഷ കോടതി തിങ്കളാഴ്ച പരിഗണിക്കും.
