ഉറങ്ങികിടന്ന ആശമാരെ പുലർച്ചെ എഴുന്നേൽപ്പിച്ച് പൊലീസ്.. കെട്ടിയ ടാർപോളിൻ ഷീറ്റും അഴിപ്പിച്ചു.. പിന്നാലെ….
സെക്രട്ടേറിയേറ്റിന് മുന്നിൽ രാപകൽ സമരം നടത്തുന്ന ആശാ പ്രവർത്തകർ മഴ നനയാതിരിക്കാൻ കെട്ടിയ ടാർപോളിൻ ഷീറ്റ് പൊലീസ് അഴിപ്പിച്ചു. ഇന്ന് പുലർച്ചെ മൂന്നു മണിയോടെ മഴ പെയ്തപ്പോഴാണ് പൊലീസിന്റെ നടപടി. ടാര്പോളിൻ കെട്ടി അതിന്റെ താഴെ പായ വിരിച്ച് ഉറങ്ങുകയായിരുന്ന ആശാ പ്രവര്ത്തകരെ വിളിച്ചുണര്ത്തിയാണ് പൊലീസിന്റെ നടപടി.ഉറങ്ങികിടക്കുന്നവരെ വിളിച്ചുണര്ത്തി ഇങ്ങനെയൊക്കെ പറയാൻ എങ്ങനെ കഴിയുന്നുവെന്ന് ആശാ വര്ക്കര്മാരിലൊരാള് പൊലീസിനോട് ചോദിക്കുന്നുണ്ടെങ്കിലും അഴിച്ചു മാറ്റുകയായിരുന്നു. അതേസമയം, വേതനവര്ധന ആവശ്യപ്പെട്ടുള്ള ആശാ വര്ക്കര്മാരുടെ അനിശ്ചിതകാല രാപ്പകല് സമരം ഇന്ന് 21ാം ദിവസത്തിലേക്ക് കടന്നു.
സെക്രട്ടേറിയറ്റിന് മുന്നിലെ സമരത്തിന് ഓരോ ദിവസവും പിന്തുണയുമായി നിരവധി പേരാണ് എത്തുന്നത്. ആവശ്യങ്ങള് അംഗീകരിക്കാന് സര്ക്കാര് തയ്യാറാകാത്ത പശ്ചാത്തലത്തില് നാളെ നിയമസഭയിലേക്ക് മാര്ച്ച് നടത്തും.
