സുധാകരന് പറയാനുള്ളത് എട്ടാം തവണ മത്സരിപ്പിച്ചില്ലെന്ന് മാത്രം…എച്ച് സലാം

ആലപ്പുഴ: സിപിഐഎമ്മുമായി ഇടഞ്ഞതിന് പിന്നാലെ സ്വതന്ത്ര സ്ഥാനാർത്ഥിയാകുമെന്ന് പ്രഖ്യാപിച്ച ജി സുധാകരനെതിരെ എച്ച് സലാം എംഎൽഎ. ജി സുധാകരൻ സ്ഥാനാർത്ഥിത്വം പ്രഖ്യാപിക്കുമ്പോൾ അതിന് പിന്നിൽ രാഷ്ട്രീയമായ കാരണങ്ങളൊന്നും തന്നെ ഇല്ലെന്നും രാഷ്ട്രീയമായ ഒരു കാരണവുമില്ലാത്ത മത്സരമാണിത് എന്നതായിരിക്കും അദ്ദേഹത്തിന്റെ സ്ഥാനാർത്ഥിത്വത്തിൽ ഉണ്ടാകാൻ പോകുന്ന പ്രശ്‌നമെന്നും എച്ച് സലാം പറഞ്ഞു.

രാഷ്ട്രീയ നെറികേടിനോട് ഒരിക്കലും സന്ധിചെയ്യുന്ന മണ്ണല്ല ഇത്. വി എസ് അച്യുതാനന്ദന് കിട്ടയതിനേക്കാൾ അവസരം പാർലമെന്ററി രംഗത്ത് കിട്ടിയ ആളാണ് ജി സുധാകരൻ. അദ്ദേഹത്തിന് അവസരങ്ങൾ പാർട്ടി നൽകാതിരുന്നിട്ടില്ല. അദ്ദേഹം ആ ചുമതലകളെല്ലാം വൃത്തിയായി ചെയ്തിട്ടുണ്ട് എന്നതിൽ തർക്കമില്ലെന്നും എച്ച് സലാം പറഞ്ഞു.