തൃക്കാക്കരയിൽ അഖിൽ മാരാർ; മൂന്ന് സ്ഥാനാർഥികളെ കൂടി പ്രഖ്യാപിച്ച് ട്വന്റി 20
നിയമസഭ തെരഞ്ഞെടുപ്പിൽ മൂന്ന് മണ്ഡലങ്ങളിൽ കൂടി സ്ഥാനാർഥികളെ പ്രഖ്യാപിച്ച് ട്വന്റി 20. എൻഡിഎയുടെ ഭാഗമായ ട്വന്റി 20യുടെ തൃക്കാക്കര സ്ഥാനാർഥി സംവിധായകൻ അഖിൽ മാരാർ ആണ്. തിരുവമ്പാടിയിൽ സണ്ണി തോമസും തൃക്കരിപ്പൂരിൽ രവി കുളങ്ങരയും മത്സരിക്കും. കോൺഗ്രസിൽ നിന്ന് രാജിവെച്ച ബാബു ദിവാകരൻ കുന്നത്തുനാട്ടിൽ മത്സരിക്കുമെന്ന് പ്രഖ്യാപിച്ചിരുന്നു.
ബിജെപിയും ആദ്യ ഘട്ട സ്ഥാനാർഥി പട്ടിക പ്രഖ്യാപിച്ചു. 47 സ്ഥാനാർഥികളെയാണ് പ്രഖ്യാപിച്ചിരിക്കുന്നത്. നേമത്ത് രാജീവ് ചന്ദ്രശേഖർ തന്നെ മത്സരിക്കും. വട്ടിയൂർക്കാവിൽ ആർ ശ്രീലേഖ, മഞ്ചേശ്വരത്ത് കെ സുരേന്ദ്രൻ, ബേപ്പൂരിൽ കെ പി പ്രകാശ് ബാബു, കാട്ടാക്കടയിൽ പി കെ കൃഷ്ണദാസ്, കഴക്കൂട്ടത്ത് വി മുരളീധരൻ, തൃശൂരിൽ പത്മജ, ഒറ്റപ്പാലത്ത് മേജർ രവി എന്നിവരും മത്സരിക്കും. ബാക്കി സീറ്റുകളിലെ സ്ഥാനാർഥികളെ നാളെയും മറ്റന്നാളുമായി പ്രഖ്യാപിക്കുമെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ പറഞ്ഞു.
ബിജെപിയുടെ ആദ്യ ഘട്ട സ്ഥാനാർഥി പട്ടിക
- മഞ്ചേശ്വരം – കെ സുരേന്ദ്രൻ
- ഉദുമ -മനുലാൽ മേലോത്ത്
- കാഞ്ഞങ്ങാട് ബൽരാജ് എം
- പയ്യന്നൂർ എ പി ഗംഗാധരൻ
- അഴീക്കോട് കെ കെ വിനോദ് കുമാർ
- കണ്ണൂർ സി രഘുനാഥ്
- മാനന്തവാടി – പി ശ്യാം രാജ്
- സുൽത്താൻബത്തേരി- കവിത എ എസ്
- വടകര അഡ്വ. കെ ദിലീപ്
- കുറ്റ്യാടി രാമദാസ് മണലേരി
- നാദാപുരം സി പി വിപിൻ ചന്ദ്രൻ
- കൊയിലാണ്ടി – സി ആർ പ്രഫുൽ കൃഷ്ണൻ
- പേരാമ്പ്ര എം മോഹനൻ മാസ്റ്റർ
- ബാലുശ്ശേരി – സി പി സതീശൻ
- എലത്തൂർ ടി ദേവദാസ്
- കോഴിക്കോട് നോർത്ത് നവ്യ ഹരിദാസ്
- കോഴിക്കോട് സൗത്ത് ടി റനീഷ്
- ബേപ്പൂർ അഡ്വ. കെ പി പ്രകാശ് ബാബു
- കുന്നമംഗലം വി കെ സജീവൻ
- ഷൊർണൂർ സങ്കു ടി ദാസ്
- ഒറ്റപ്പാലം മേജർ രവി
- മലമ്പുഴ സി കൃഷ്ണകുമാർ
- പാലക്കാട് – ശോഭാ സുരേന്ദ്രൻ
- ചേലക്കര കെ ബാലകൃഷ്ണൻ
- മണലൂർ അഡ്വ. കെ കെ അനീഷ് കുമാർ
- തൃശൂർ പത്മജ വേണുഗോപാൽ
- ഇരിഞ്ഞാലക്കുട സന്തോഷ് ചെറക്കുളം
- ദേവികുളം – എസ്. രാജേന്ദ്രൻ
- പാലാ – ഷോൺ ജോർജ്
- വൈക്കം- കെ അജിത്ത്
- കാഞ്ഞിരപ്പള്ളി അഡ്വ. ജോർജ് കുര്യൻ
- പൂഞ്ഞാർ പി സി ജോർജ്ജ്
- അമ്പലപ്പുഴ -അരുൺ അനിരുദ്ധൻ
- ഹരിപ്പാട് – സന്ദീപ് വാചസ്പതി
- ചെങ്ങന്നൂർ എം വി ഗോപകുമാർ
- തിരുവല്ല – അനൂപ് ആന്റണി ജോസഫ്
- കരുനാഗപ്പള്ളി വി എസ് ജിതിൻ ദേവ്
- കുന്നത്തൂർ – രാജി പ്രസാദ്
- കൊട്ടാരക്കര ആർ രശ്മി
- ചാത്തന്നൂർ ബി ബി ഗോപകുമാർ
- ആറ്റിങ്ങൽ – അഡ്വ. പി സുധീർ
- നെടുമങ്ങാട് – യുവരാജ് ഗോകുൽ
- കഴക്കൂട്ടം വി മുരളീധരൻ
- വട്ടിയൂർക്കാവ് ആർ ശ്രീലേഖ
- നേമം – രാജീവ് ചന്ദ്രശേഖർ
- പാറശ്ശാല അഡ്വ. ഗിരീഷ് നെയ്യാർ
- കാട്ടാക്കട പി കെ കൃഷ്ണദാസ്
